Një shtetas shqiptar është vrarë me armë zjarri këtë të martë në Tivar të Malit të Zi.
Sipas mediave vendase, viktimë ka mbetur shtetasi Edmond Mustafa, i cili dyshohet se është anëtar i një grupi të organizuar kriminal.
Policia ka bllokuar qytetin dhe është në kërkim të një ose më shumë autorëve të ngjarjes. Dëshmitarët okularë nga restorantet në rrugën “Marsala Tita” thanë se dëgjuan disa të shtëna dhe se një grua ishte me viktimën. Mësohet se autori është larguar me një motoçikletë. Shërbimet e urgjencës dhe policia ndodhen në vendngjarje. Një hetim ka nisur lidhur me rastin.
