Aeroporti Costa d’Amalfi i Salernos po rinovohet dhe do të hapë dyert si aeroport tregtar, me fluturime në korrik 2024.
Fshatrat me ngjyrë pastel të Brigjeve të Amalfit tërheqin rreth 5 milionë turistë në vit. Por ndërkohë që vija bregdetare është ëndërrimtare, udhëtimi nuk është i tillë.
Mënyra më e thjeshtë për të shkuar te qytetet si
Amalfi dhe Positano është të fluturosh në Aeroportin e Napolit dhe pastaj të ndërthurësh trenat dhe autobusët për të arritur në destinacionin final.
Të gjithë udhëtarët do të jenë të lumtur tashmë se këtë vit do të jetë më e lehtë të arrish në Brigjet e Amalfit, pjesë e UNESCO, pasi një aeroport më i afërt do të nisë fluturimet ndërkombëtare.
Aeroporti Costa d’Amalfi i Salernos po rinovohet dhe do të hapë dyert me fluturime që do të nisin në korrik 2024.
Si të arrini në Brigjet e Amalfit në 2024
Këtë vit, udhëtarët mund të arrijnë në brigjet e Amalfit nëpërmjet një qendre të rihapur transporti.
Aeroporti i Costa d’Amalfi në Salerno, ndodhet rreth 45 kilometra në juglindje të qytetit të Amalfit. Është vetëm 21 kilometra nga Salerno, e cila aktualisht përdoret si një pikë tjetër hyrjeje në vijën bregdetare, ku vizitorët mbërrijnë me tren dhe përdorin autobusët lokalë.
Aeroporti u ndërtua në vitin 1926 dhe gjatë viteve është përdorur si aeroport ushtarak, shkollë fluturimesh, qendër zjarrfikëse dhe aeroport privat.
Në vitin 2007 u bënë disa ndryshime për ta hapur aeroportin ndaj fluturimeve tregtare, por në 2016 u mbyll tërësisht.
Tashmë aeroporti do të ripapë fluturimet ndërkombëtare, duke nisur nga vera e këtij viti.
Pista e fluturimit është zgjatur dhe po kryhen punime për një terminal të ri pasagjerësh që do të përfundojë në vitin 2027.
/ Euronews
