Ngjarja e rëndë ka ndodhur në Sicili.
Qyteza Barcellona Pozzo di Gotto është tronditur nga një tragjedi e papritur ku ka humbur jetën një vajzë e re shqiptare.
24-vjeçarja Ambra Seferi është rrëzuar aksidentalisht nga dritarja e çatisë duke humbur jetën.
Mediat italiane bëjnë me dije se 24-vjeçarja kishte dalë nga shtëpia kur iu mbyll dera nga brenda.
E shqetësuar se brenda shtëpisë ndodhej djali i saj 18 muajsh dhe një vajzë dyvjeçare, e cila ishte fëmija e shoqes, Ambra tentoi të hynte duke kaluar përmes çatisë.
Për fat të keq, ajo shkeli në një dritare xhami që ndodhej në çati dhe u rrëzua. Pavarësisht se u transportua me urgjencë në spitalin Milazzo dhe iu nënshtrua ndërhyrjeve reanimatore, 24-vjeçarja ndërroi jetë.
Ambra kishte mbërritur në Itali dy vjet më parë.
