Kryetari i LZHK-së dhe deputeti Dashamir Shehi është kundër protestave që po bëjnë në parlament grupi i deputetëve të PD të rithemelimit.
Në një prononcim për
për A2CNN, deputeti Shehi u shpreh se, mënyra që ka zgjedhur opozita për të kërkuar të drejtat parlamentare nuk është e duhura.
Kreu i Lëvizjes për Zhvillim Kombëtar pohoi se, ai ka zgjedhur të solidarizohet me kolegët duke mos marrë pjesë në komisionet parlamentare.
“Por që të mendoj se kjo është rruga me të cilën duhet të kalojmë ne për të rifituar të drejtat tona parlamentare, për t’iu drejtuar shqiptarëve, se ç’është e mira dhe ç’është e keqja… është një skemë që e kemi përdorur disa herë,” shpjegon ai.
Ai mendon se, duke zgjedhur të shkaktojë kaos, opozita po shpërdoron të drejtën që ka për të folur në emër të qytetarëve në Kuvend.
“Parlamenti del në rrugë, protesta është një formulë. Të futësh rrugën në pralament, nuk vlen. Zëri për të folur në parlament është arma që ka sot opozita. Dhe më duket se po e shpërdorojmë. Mirë, keq, gojën nuk na e mbyllin dot ata”, tha Shehi
