Kryeministri Edi Rama ka njoftuar se brenda muajit Tetor janë kryer 11750 mamografi falas për gratë dhe vajzat.
Përmes një postimi në rrjetet sociale, ai thekson se 922 mamografi u kryen nga njësitë lëvizëse të shpërndara nëpër vend.
Ai thekson se është rritur ndërgjegjësimi në shoqërinë tonë sa i takon kësaj sëmundjeje.
“Këtë vit TetoriRozë u mbyll me 11.750 mamomgrafi falas për gratë dhe vajzat, ku 922 prej tyre të kryera në njësitë lëvizëse të hapura cep më cep Shqipërisë përgjatë muajit të ndërgjegjësimit kundër kancerit të gjirit, çka dëshmon edhe për ndërgjegjësimin në rritje të shoqërisë sonë”, shkruan kreu i qeverisë.
