Një guidë u shpjegon vizitorëve ndërsa ata janë të pranishëm në një vizitë nudiste në Muzeun Arkeologjik të Katalonjës në Barcelonë.
Ngjarja ka ndodhur në Spanjë më 28 tetor 2023.
Një muze i Barcelonës hapi dyert për nudistët të shtunën, duke zhvilluar një turne të veçantë gjatë të cilit vizitorët mund të hiqnin rrobat e tyre. Muzeu i Arkeologjisë së Katalonjës mbajti turneun 90-minutësh në bashkëpunim me Klubin e Naturizmit Katalanas.
Vizitorët shikuan ekspozitën Bronzet e Riace të fotografive të Luigi Spina që përshkruanin dy statuja të mëdha greke prej bronzi të luftëtarëve të zhveshur nga shekulli i 5-të pes, që u zbuluan në vitin 1972 pranë Riace, Itali.
“Ne donim ta bënim atë një vizitë më të gjallë dhe jo një turne tipik me guidë,” tha guida Edgard Mestre, i cili gjithashtu shkoi pa rroba.
“Ne donim që njerëzit që erdhën për ta parë atë të ndjeheshin saktësisht njësoj si puna që po shikonin.” Faqja e internetit e muzeut u premtoi vizitorëve mundësinë për të “admiruar veprat duke pozuar në të njëjtën situatë siç janë, krejtësisht të zhveshur dhe të rrethuar nga trupa të tjerë”. “(Unë ndjej) të njëjtin intensitet si ta vëzhgosh me rroba, por me ndryshimin që mund ta kuptojmë më mirë se lakuriqësia ka ekzistuar gjithmonë dhe trupat nuk duhet të jenë burim turpi për askënd”, tha punonjësja e shëndetësisë Marta, 59 vjeçe, e cila ishte duke vizituar ekspozitën.
