Marcus Anthony Hall, 2 vjeç, mbytet në pishinën mbi tokë të fqinjit pasi endej jashtë ndërsa mamaja flinte
• Marcus Anthony Hall – i referuar me dashuri si ‘Mar Mar’ – sapo kishte festuar ditëlindjen e tij në korrik
• Djali vdiq pasi doli nga shtëpia ndërsa nëna e tij ishte duke fjetur dhe u mbyt në pishinën e fqinjit.
• Policia u thirr në zonë një orë më parë për të raportuar zhdukjen e vogëlushit dhe i tha mamasë të ishte më e kujdesshme
Një familje nga Ohio po vuan humbjen e fëmijës së tyre dy vjeçar pasi djali i vogël doli nga banesa kur nëna e tij po flinte dhe u mbyt në pishinën e një fqinji.
Sipas zyrtarëve të policisë, djali i vogël doli nga shtëpia ndërsa nëna e tij ishte në gjumë më 4 tetor.
Më pas ai u gjet në fund të pishinës së fqinjit të tij dhe u dërgua në spital, ku u shpall i vdekur.
Policia u thirr në zonë për ndihmë mbasi nëna konstatoi se ai nuk ishte në shtëpi, vetëm një orë përpara se djali të gjendej i mbytur.
Ata i thanë nënës së djalit të ishte më e kujdesshme dhe nisën kërkimet.
Babai i dëshpëruar tha se do ta kujtonte Marcus Anthony Hall – i njohur gjithashtu si Mar Mar – me buzëqeshjen e tij.
Ai ishte një tip i vogël i lezetshëm”, tha babai i fëmijës, Anthony Hall, për djalin e tij dyvjeçar, i cili sapo kishte festuar ditëlindjen në korrik.
Të martën, Hall ishte në punë ndërsa Marcus dhe vëllai i tij katërvjeçar ishin vetëm në shtëpi me nënën e tyre. Ai tha se fëmijët dolën jashtë shtëpisë së tyre në Oregon, Ohio, ndërsa nëna e tyre ishte në gjumë.
Në orën 10.34 të mëngjesit, një fqinj vuri re një nga djemtë dhe thirri 911, duke u thënë dispeçerëve: ‘Ka një foshnjë jashtë në një pelenë që ndjek një qen. Nuk ka të rritur.’
Një oficer mbërriti dhe i tha nënës të ishte më e kujdesshme. Ai rekomandoi që ajo të konsideronte instalimin e pajisjeve të sigurisë. Në orën 11:27 – më pak se një orë më vonë – policia e Oregon mori një telefonatë të dytë nga nëna. “Unë u zgjova nga policët këtu që trokitën në derën time sepse ata thanë se fëmijët vraponin jashtë, kështu që kur u zgjova, vetëm 4-vjeçari im gjendej këtu,” tha ajo. Pra, dyvjeçari juaj mungon? pyeti dispeçeri. “Po,” u përgjigj gruaja. Oficerët u kthyen në vendngjarje dhe e gjetën dy vjeçarin të mbytur në pishinën e fqinjit.
Shefi i policisë Brandon Begin tha se një oficer u hodh në ujë, ia dha fëmijën një oficeri tjetër dhe kreu CPR ( frymëmarrjen me gojë) ndërsa nxituan për në spital.
Marcus u mbyt në një pishinë të bardhë mbi tokë me një shkallë të vogël.
Ndërkohë që oborri ishte i rrethuar, pishina në vetvete nuk kishte një gardh rreth saj. Një ankesë u paraqit në qytet, pasi çdo pishinë private duhet të mbyllet me një gardh sipas ligjit të shtetit të Ohajos. Aktualisht është e paqartë nëse deri më sot janë ngritur akuza kundër nënës apo fqinjit.
Shërbimi i Fëmijëve po heton rrethanat e vdekjes së djalit, tha policia.
Një ceremoni mortore është caktuar për 10 tetor. Hall krijoi një GoFundMe që kërkon ndihmë me shpenzimet. “Nuk di si ta shpjegoj këtë, por do të përpiqem në mënyrën më të mirë që mundem”, ka shkruar ai. Deri më tani, fushata ka mbledhur 1,840 dollarë nga objektivi i saj prej 2,500 dollarësh. “Emri im është Anthony Hall, babai i Marcus”, shkruhej në faqe. “Unë thjesht dua që fëmija im të jetë në gjendje të pushojë, nuk mund ta imagjinoj se çfarë po ndodhte me mendjen e tij gjatë gjithë kësaj.” Hall gjithashtu postoi në Facebook, duke falënderuar ata që kishin dhuruar dhe mbështetur familjen gjatë tragjedisë. Ai ka thënë se është thyer sa herë ka parë një foto të djalit të tij.
Nuk më ndihmon të zgjohem çdo mëngjes dhe të shoh pishinën e fqinjit ku ndodhi kjo”, ka shkruar Hall. “Ende me një shkallë në të.”
dailymail.co.uk
