Sekretarja e Brendshme e Britanisë së Madhe, Suella Braverman, pret që policia “të përdorë forcën e plotë të ligjit” kundër shfaqjeve të mbështetjes për Hamasin pas një përshkallëzimi të sulmeve në kufijtë e Izraelit.
Komentet e sekretares së brendshme erdhën pasi u shfaqën disa video të njerëzve në Mbretërinë e Bashkuar të cilët po festonin pasi militantët palestinezë nga Rripi i bllokuar i Gazës filluan një sulm të befasishëm dhe kapën me dhjetëra pengje.
Patrullat e policisë janë shtuar në zonat e Londrës veriore ku janë vendosur shumë anëtarë të komunitetit hebre në Mbretërinë e Bashkuar.
Ministri i Imigracionit, Robert Jenrick, gjithashtu bëri thirrje që të shtoheshin kontrollet, ai ndau një video të postuar në mediat sociale nga Rachel Riley, në videon e së cilës dukeshin dy makina të cilat po lëviznin në Londër duke valëvitur flamujt palestinezë.
Ajo më vonë postoi një video që tregonte njerëzit duke valëvitur flamujt palestinezë, duke i rënë borisë së makinave dhe duke duartrokitur.
“Shumica e njerëzve e kuptojnë se kjo është një gjë e neveritshme. Askush nuk duhet të gëzojë luftën dhe vdekjen”, ka shkruar ajo.
Braverman postoi në X, të dielën në mëngjes, duke thënë: “Sa herë që sulmohet Izraeli , islamistët dhe racistët e tjerë përdorin masat mbrojtëse izraelite si pretekst për të nxitur urrejtje kundër hebrenjve britanikë. Dje fola me CST-UK (Besimi i Sigurisë së Komunitetit) për t’u iguruar që qeveria po bën gjithçka që është e nevojshme për mbrojtjen e komuniteteve tona hebreje.
Duhet të ketë zero tolerancë për antisemitizmin ose glorifikimin e terrorizmit në rrugët e Britanisë. Unë pres që policia të përdorë fuqinë e plotë të ligjit kundër shfaqjeve të mbështetjes për Hamasin , grupet e tjera terroriste të ndaluara ose përpjekjet për të frikësuar hebrenjtë britanikë”,-shkruan Braverman.
