Basir Çollaku/ Metamorfoza… Përgjimet e policëve, Ballës, Ramës, drejtësisë, politikës, bandave, medies, biznesit !!!!!

Shqip janë afro 40 përqind të paktën..?!! Jo, mbase pak më tepër..!!! Janë me mijëra faqe, janë me qindra mijëra mesazhe, janë të dhëna ku zbardhen krime mafioze, ekonomike, politike, elektorale. Janë aq sa nuk kanë qenë asnjëherë.
“Metamorfoza”
Ka mbërritur pjesërisht si dosje së fundmi nga partnerët, por mund të zhvendoset e para, për nga pesha e të dhënave dhe dora e madhe në dobi të drejtësisë. Ministri i brendshëm Balla, pohoi se do spastrohet policia nga të përfshirët sipas të dhënave nga Europol të dala nga SKY dhe Encro. Ministri duhet të bëjë transparencë për përgjimet ku është gjendur ai personalisht në këto vite, përgjime të asgjësuara me vendim dhe pa vendim gjykate!! Përgjime ku janë përfolur si bashkëbisedues emra të botës së krimit. Se Europoli mund të bëjë transparencë përtej bindjeve ministrore dhe politike. Janë deri tani mbi 300 oficerë policie ligjërues nëpër këto telefona. Por nuk ka mbaruar. Po nga drejtësia në të gjitha nivelet sa janë? Shumë? Tej imagjinatës. Nëse disa banda kishin tigrin e drejtësisë garanci, po deputet dhe politikan në Tiranë, për ta rritur ndikimin, kë kishin pikë kontakti? Po grupet e tjera?! Po kush telefononte nga Tirana në institucionet e reja të drejtësisë për të ndikuar në lirim të pandehurish në kryeqendrën e veriut se ua kërkonin porositësit dhe gjyqtarë, drejtues policie e prokurorë të përfshirë janë thirrur për të dëshmuar jo vetëm njëherë !!! Mirë thotë Balla, Europoli ka të dhëna. Ndoshta së shpejti. Më mire për të gjithë. Por mos shpreson pa dashje se sindikata ndërkombëtare avokatëve mund të zhbëjë përgjimet në Strasburg si prova..!! .
Ku jemi ?
Sot nuk kemi qeveri. As pushtete të ndara sipas përcaktimit teorik kushtetues. As treg funksionues sipas ligjësive të ekonomisë. As media me mision fjalën e lirë, por gjahtare e parasë së shpejtë dhe të lirë. As bëhen zgjedhje por vetëm bëhen emërime. As kemi ambasadorë por godina diplomatike dhe brenda tyre gjithnjë e më shpesh rrogëtarë të huaj punonjës në Shqipëri, me sytë nga xhepat fiannciarë të oborrtarëve të hyqymetit, ku pikojnë bereqete jo të pakta nën të cilat ata spërkaten. Kemi një koorporatë hibride gri dhe të zezë bashkë, pushtet, krim mafia, e me ndërkombëtarë periferikë, në krye të së cilës është njeriu mbajtës i emrit të kryeministrit, Edi Rama. Kemi një skedinë 1, X, 2, ku rezultatit fitues në kokë i bien të fortët dhe pushtetarët thjesht binden, por jo pa përfitim. Kemi një opozitë por brenda saj nuk ka aq shumë opozitarë sa duhet. Fatkeqësisht numri i tyre pakësohet sa herë rritet numri i tenderave sekretë, kur shtohet lejedhënia bashkiake e qeveritare e ndërtimit, apo kur punësimet kalojnë gardhin për flirte politike të pengjeve partiake. Në këtë katastrofë ku nxënësit e studentët në klasa e auditore rrallohen, punëtorët nëpër biznese mezi gjenden, policët firojnë, hajdutë e kriminelë shumohen, pensionistët nëpër familje sa vinë e shtohen, eksodi po na shpopullon nën regjinë e Edi Ramës e projektit të tij shfarosës shqiptarësh.
Çfarë po fshihet?
Në kryehallet e ERdi Ramës, terrenin e ka pushtuar shou i Taulant Ballës, njeriu ministër i brendshëm, ndonëse nëpër dosje emri i tij, është ende me dilema hetimore.
Charles McGonigal
Eshtë dosja ndërkombëtare, e departamentit amerikan të drejtësisë, në një proces gjyqsor me pranim fajësie nga agjenti FBI, në të cilën është përfshirë Edi Rama dhe të tijtë. Përfitimet ekonomike kishin garanci kryeministrin shqiptar. Taulant Balla ka pranuar takimet me të, por përgjimet nëpër dosje mund të thonë më shumë për shkëmbimet e porosive. Damian Gjiknuri ish-ministër, gjithashtu gjendet aty. Madje ministri energjetikës, është firmëtari në ngjarjen e heqjes së puseve të naftës në Fier, kompanisë amerikane, e orientimin nga ajo ruse më vonë. Jo vetmë kaq. Ka gjobëvënie, ndikim të paligjshëm në hetim të opozitës, në përfshirje të listave të papëlqyeshmërisë. Kongresi amerikan edhe senati kërkojnë hetim të thelluar sepse dosja shqiptare ka bëma rajonale të mëdha dhe prokurori i përgjithshëm amerikan në senat, Merrick Garland, e ka cilësuar korruptimin e funksionarit të FBI cënim të sigurisë kombëtare amerikane. Akuzuar është Edi Rama. Kushdo hamendëson tolerancë hetimore ushehet me ajër. Natyrisht prokuroria Speciale nuk do të mundet ti kthejë kurrizin kësaj dosje, për pjesën shqiptare ku është Edi Rama, pavarësisht anemisë së veprimeve nga trysnia ndërkombëtare dhe qeveritare.
Inceneratorët
Inceneratorët ose dosja 1 miliardë euro nuk mund të mbyllet me sardele, kur në të janë nënshkrues veprimesh e abuzimesh Edi Rama, i pandehuri i madh i munguar Erion Veliaj, zëvëndëskryeministri në kërkim Ahmetaj, ministri në hetim Gjiknuri, sekretari i marrë në pyetje Engjëll Agaçi e bashkiakët Sako e Subashi, por dhe plot të tjerë
TIMS
Zhurma e piraterisë iraniane gjithnjë e më shumë ngjan si një alibi qeveritare për të justifikuar futjen e duarve në të fshehtat burime hetimore, duke fshirë asgjësuar të dhëna dosjesh. Taulant minsitri është zelltari kryesor në masakrën e fundit të zhbërjes së sistemit, privatizimit refuzimit amerikan për të zbardhur të vërtetën duke kompromentuar përfshirjen
Metamorfoza, është ndoshta superdosja më e madhe ardhur ndonjëherë. Aty gjenden përgjimet gjashtëvjeçare dhe janë në një çanak, zyrtarë, bashkiakë, ministra deputetë, funskionarë të drejtësisë, prokurorë, gjyqtarë, drejtues policie, të të gjitha niveleve, njerëz të medies, biznesmenë, banditë e mafiozë të kthyer në biznese strategjitke me firmën e qeveritarit Rama dhe vartësve të tij. Nësë dosja zbardhet e plotë, do të kemi nevojë emergjente për një Reformë të Re në Drejtësi..Në politikë sigurisht