PELEGRINAZHI NA BËN MË TË LIRË 29/09/2023
“Komunist janë ata që kanë lexuar ose janë indoktrinuar nga Marks dhe Lenin.
Antikomunist jane ata që i kanë lexuar dhe kuptuar ata”
RONALD REGAN
Sot për mua ishte një ditë pelegrinazhi dhe meditimi në vendlindjen time Tropojë, në ditën e kujtesës për viktimat që shkaktoj diktatura në ato troje nga 1944 e deri në 1990.
Në këtë ditë të përkujtimit të qendrestareve antikomunist, një prej tyre tha: Sot nuk është asgjë të jesh demokrat, por duhet të jemi antikomunist, dhe unë jam dhe i tillë do jem deri në vdekje (Shaqiri Gjocaj).
Nuk è quaj thjeshtë filozofike, por njerëzore, dimension lirie, të qenurit antikomunist.
Komunizmi ishte më keq se një murtaj, pandemi mentale, shkatërrimtare në ngallnjimin e “njeriut të ri”. Ky ngallnjim na coj në një errësirë totale gjysem shekullore e cila, dhe pse 30 vjet pas gjysmës së shekullit nuk po na len të shohim pakëz dritë, por, në rastin më të mirë, Hije,… Hije të disa bishave që deri dje majmeshin si derrat mbi gjakun e popullit, e sot me të njëjtit dhëmbë e thonë të pa larë plackisin të ardhmen e tij.
Kjo të bën çdo ditë, çdo minut jo vetëm të jesh antikomunist por dhe pse besojmë në Zot, të kaplohemi me urrejtje karshi kësaj fare.
Sot ne duhet të dallohemi prej tyre, dhe urrejtjen ta kthejmë në bashkim sepse veçse kështu do bëhemi më të lirë.
Lavdi atyre që më heshtje, me kryengritje e në çdo mënyrë arritën të tregojnë se dhe e keqja më e madhe rrëzohet me qendrës sado çmimi i saj të jetë i madh, sepse liria nuk ka çmim!
Falenderoj çdo person që në një mënyrë ose tjetër u bë pjesë e kësaj ditë të shenjtë për të kujtuar qendrestaret.
