Të tjera detaje kanë dalë në lidhje me vrasjen me armë zjarri të 35 vjeçare shqiptare, Klodiana Vefa, mbrëmjen e kaluar në Itali.
Klodiana Vefa e vrarë në rrugë me një plumb në kokë në Castelfiorentino (Firence): në kërkim të bashkëshortit, ata po ndaheshin…
Mediat e huaja shkruajnë, se paraprakisht dyshohet si autor i krimit bashkëshorti i Klodianës, Alfred Vefa, me të cilin 35 vjeçarja po ndahej dhe nuk jetonte më.
Pas ngjarjes së rëndë burri është zhdukur dhe dyshohet se është larguar me një Golf të bardhë. Karabinierët kanë ngritur disa pika kontrolli në të gjithë Val d’Elsa, në zonën midis Poggibonsi, në provincën e Sienës dhe në zonën e Empolit. Policia ka kontrolluar edhe disa shtëpi të braktisura në zonën e krimit por pa asnjë sukses.
Burri dyshohet se është paraqitur në shtëpinë ku jetonte gruaja me djalin 17-vjeçar dhe vajzën 14-vjeçare. Mes të dyve ka pasur një debat. Dhe më vonë, teksa po kthehej nga puna e reja u godit nga tre të shtëna armësh, njëra prej të cilave ishte fatale.
Alarmi është ngritur nga disa banorë të cilët kanë dëgjuar të shtënat me armë. Ambulanca mbërriti menjëherë në vendin e ngjarjes por shqiptarja ndërroi jetë rrugës për në spital. Klodiana nuk ishte ndarë ligjërisht nga bashkëshorti por kohët e fundit kishin pasur mosmarrëveshje.
