Prindërit e bukur bëjnë vajza sipas shkencëtarëve
Lajm i keq për të gjitha femrat: meshkujt e pashëm do të bëhen një specie e rrezikuar!
Bazuar në një hulumtim të fundit nga profesor Satoshi Kanazawa, psikolog në Shkollën Ekonomike të Londrës, meshkujt e pashëm po zhduken gradualisht nga faqja e dheut!
Rezultatet e hulumtimit, i cili zgjati plot 53 vjet, treguan se çiftet më simpatike kanë vajza, me rezultat që gjenet e “bukurisë” u kalojnë atyre.
Në hulumtimin, ku morën pjesë – as më shumë e as më pak – 17 mijë britanikë nga mosha shtatë deri në dyzet e pesë vjeç, u zbulua se më e bukura prej tyre kishte vajza, ndërsa më pak tërheqëse kishte djem! Vlerësimi u bë kur fëmijët ishin shtatë vjeç. Rezultatet e hulumtimit konfirmohen edhe nga një studim i mëhershëm, në të cilin u zbulua se gratë më të bukura lindin vajza në shumicë.
Ndaj, nëse pranojmë që vajzat e tyre janë po aq të bukura dhe ato do t’ua kalojnë me radhë vajzave të tyre gjenet e “bukurisë”, ato nuk do të trashëgohen kurrë nga djemtë! Natyrisht, rezultatet e hulumtimit mund të vihen në dyshim pjesërisht për dy arsye.
Para së gjithash, sepse kur pjesëmarrësit në hulumtim u vlerësuan për… bukurinë e tyre ata ishin vetëm shtatë vjeç – kjo nuk do të thotë se në moshën 45-vjeçare ata mbetën aq tërheqës.
Për më tepër, sepse standardet e “të bukurës” ndryshojnë nga vendi në vend, nga Lindja në Perëndim, nga dekada në dekadë dhe nga personi në person.
A do të përfundojnë karakteristikat e femrave të bukura sot duke u konsideruar të shëmtuara pas disa vitesh? Sido që të jetë, përfundimi, edhe nëse tingëllon klishe, është i vetëm dhe i përjetshëm: Të gjithë njerëzit janë të bukur, secili në mënyrën e vet, të veçantë!
Burimi: popsugar
