Besimtarët e fshatit Zhapokikë të bashkisë Memaliaj kanë ndërtuar me kontributet e tyre “shtëpinë e re” të Baba Hysos dhe Dervish Islamit.
Qindra Zhapoqotë morën pjesë në ceremoninë e inagurimit të kësaj vepre kulti bektashi duke treguar jo vetëm ndjenjë besimi, por edhe unitet si fshat në këtë nismë të realizuar me kontributet e tyre.
Në përurim morën pjesë edhe hierarkë të lartë të klerit bektashian
Falënderimet shkojnë për të gjithë besimtarët, por në veçanti për familjen Dajlani të cilet kanë qënë të angazhuar shumë fortë në këtë nismë, me kontribute në vlerë monetare por dhe në punime te kryera dhuratë për Tyrben.
Po ashtu dhe dy baballarët Haxhi Baba Faik Selmani dhe Haxhi Baba Ardit Selmani për përkujdesjen gjatë gjithë kohës se realizimit të objektit.
Realizimi i këtij objekti kulti na bënë krenar si fshat por edhe më te bashkuar shpirtërisht!
Bekuar qofshin të gjithë ata që bënë të mundur realizimin e kesaj shtepie shpirtërore
Një vit e tetë muaj kontribute, pesë muaj për t’a ndërtuar, një orë ceremoni inagurimi, ndërsa jetëgjatësia dhe jehona si vend i shenjtë do jenë të përjetshme!
Nga Roshi Ajdini
