Me një status në rrjetet sociale, Evi Kokalari ka përcjellë një platformë për të zgjidhur problemet që ka Shqipëria sot.
Shkrimi i plotë:
Të vetmit që do zgjidhin realisht problemet kryesore që kanë paralizuar Shqipërinë, janë ata që:
1- nuk kanë qënë kurrë, dhe nuk janë pjesë e asnjë organizate që lidhet direkt apo tërthorazi me George Soros dhe fondacionin e tij. George Sorosi ka qënë dhe është gangrenë për demokracinë tonë. Çmimi që kemi paguar, ka qënë shumë i lartë.
2- do kenë kurajon të nxjerrin përpara drejtësisë të gjithë politikanët që janë pasuruar me afere korruptive, dhe këtu kam parasysh që nga Berisha, Rama, Meta, Veliaj dhe të gjithë bashkëpunëtorët e tyre. Asnjë mëshirë në këtë pikë.
3-do investigojnë oligarkët, sidomos ata që kanë përfituar me koncensione të parregullta dhe s’kanë paguar as detyrimet e tyre fiskale. Dhe në këtë pikë asnjë mëshirë.
4-do zgjidhin problemin e ligjit 7501, dhe do kthejnë pronat (me proces të përshpejtuar) tek ata që tapitë ju datojnë që në 1944. Do të fillojnë investigimin për ato prona, ku bashkëpronarë kanë dalë politikanë dhe fëmijët e tyre. Nëse tokat jane kthyer me kushte që politikanët të përfitojnë vetë, kjo do gjykohet nga drejtësia. Investigimet do të jenë retrospekt që nga hyrja në fuqi e ligjit 7501. Ata që kanë humbur tokat si pasoj e ndërtesave gjatë rregjimit komunist, do shpërblehen monetarisht në bazë të vlerës së tregut të lirë.
Shumica e trimave që dalin sot e flasin për ndryshim të regjimit korruptiv shqiptar, nuk kanë kurajo t’ju përmendin as emrat këtyre më lart, jo më të mbajnë qëndrime ndaj korrupsionit të vazhdueshëm të këtyre njerëzve.
Të pastrosh pisllikun e plazheve nuk të bën ekspert të pastrimit të korrupsionit. Këta janë sharlatanët që i shesin popullit sapuni për djathë.
E nga këta bukurosh kemi plot.
E mbani mënd kur Belind Këllici i tregoi gishtin e turpit korrupsionit – vetëm për tu bërë pjesë e kullës së malit të Tiranës, që çuditërisht gjatë fushatës i kishte shpëtuar dhe nuk e përmëndi as edhe njëherë?
Tashti Këlliçin e gjeni në Yacht privat, diku nga jugu i Shqipërisë.
Ja, kjo ishte lufta ime kunder Këlliçit dhe PD së rithemelimit që fatkeqësisht i shërbyem të gjithë.
Luftën e bëra atëherë, luftën do ta bëj dhe në të ardhmen, derisa të arrij t’i bëj të gjitha çfarë kam përmëndur më lart. Kurajo nuk më mungon.
Kush do të më bashkohet – bujrum. Punë ka plotë!
Nëse doni të bëni sehir e të prisni mos ju sjell Berisha me Metën fitoren e radhës në 2025, ju rëndoftë kjo në koshiencë, sepse po i hiqni të drejtën fëmijve tuaj për një të ardhme më të mirë.
Sidoqoftë, ne do ecim përpara!
