Është nisur me helikopter drejt Spitalit të Traumës pushuesi, i cili u godit nga fadroma në bregun e liqenit të Pogradecit.
Ai më së pari u dërgua në spitalin e qytetit, por duket se gjendja e tij është përkeqësuar dhe është nisur drejt Traumës për ndërhyrje më të specializuar.
Ngjarja ndodhi rreth orës 13:50, në vendin e quajtur “Plazhi”, ku mjeti fadromë që shërben për pastrimin e mbetjeve liqenore, shkeli aksidentalisht 53-vjeçarin.
Pushuesi, i cili është identifikuar si Agron Keta nga Tirana, ka qenë i shtrirë në rërë dhe mjeti i pastrimit e ka shkelur me njërën gomë.
Drejtuesi i fadromës, shtetasi D. P. është shoqëruar në Komisariat, ndërkohë që vazhdon hetimi për zbardhjen e ngjarjes.
