Rithemelimi i Partisë Demokratike stopoi më 11 Dhjetor 2021!
…
Pas 14 Majit PD duhet të ishte riformatuar (full RESET) duke ribërë zgjedhjet sidomos në ato zona ku pati probleme dhe pakënaqësi në bazë!
Duhej – sipas meje – të thirrej Kuvendi i JASHTËZAKONSHËM i partisë ku të rifreskoheshin forumet e larta të saj pasi ka patur probleme serioze që nga zgjedhja e Këshillit Kombëtar të saj pasi zgjedhja e këtyre forumeve duhet pranuar që është diktuar nga një grusht personash influentë rreth Doktor Berishës që ose nuk duan reformimin e saj ose duan të ruajnë “pashallëqet” e tyre!
PD ka nevojë ULËRITËSE për të ju dhënë zë dhe hapësirë figurave të reja (jo nga mosha por nga idetë), të papërlyera dhe me integritet fjala e të cilëve ngjit me bazën dhe kanë mbi të gjitha besueshmeri.
PD duhet të distancohet nga figurat e përfolura për korrupsion dhe nga ata që një dorë e kanë në bakllava e tjetrën në revani!
PD duhet të distancohet nga gabimet e së kaluarës jo me gjysma psherëtimash por me vepra të përnjimendta!
PD duhet të DISTANCOHET prerazi nga SOROS, SOROIZMI dhe të pastrojë radhët e saj nga soroistët që po ja marrin frymën!
PD e ka detyrim politik e moral të ju thotë shqiptarëve të vërtetën e dhimbshme që vendi është në diktaturë të PLOTË pasi shqiptarët nuk kanë asnjë mundesi as të zgjedhin as të zgjidhen.
PD e ka detyrim të ju thotë shqiptarëve që sistemi i drejtësise është i kapur nga mafia vendase e ajo ndërkombëtare e të mos ju japë shqiptareve iluzionin e rremë se SPAK edhe mund të japë drejtesi!
Mjaft më me denoncime pa asnjë lloj efekti as tek militantët e saj!
Jo, kjo drejtësi pra drejtesia e re nuk është drejtesi perderisa ata që shkatërruan Teatrin Kombëtar dhe vodhën Portin e Durresit, energjine elektrike, realizuan vjedhjen e shtetit permes “rilindjes Urbane” dhe incereratorëve janë të lirë e na shesin kopalla deri në Kuvendin e Shqipërisë!
PD është e vonuar sipas meje në vendimin për të vazhduar betejen e pafund ligjore për rikthimin e emrit dhe legalitetit të saj apo daljes me një emer dhe logo të re e kjo ti mundesonte regjistrimin e saj në regjistrin e partive politike!
PD duhet të thotë shqiptareve të vërtetën e dhimbshme që edhe një opozitë perfekte sot nuk e rrëzon dot këtë klikë e vetme apo me votë pasi votë të lirë në kushte e Aktiv1stit dhe patronazhimit nuk ka!
FRONTI I BASHKUAR OPOZITAR është një domosdoshmëri jetike për tu rijetësuar ku të bashkohen rreth Partise Demokratike të gjithë faktorët që janë realisht të interesuar në rrëzimin e rilindjes (dhe jo levat e krijuara apo në tentativë krijimi nga makineria rilindase) dhe sistemit të saj kriminal!
Platforma e shpëtimit të Shqipërisë është po ashtu një DOMOSDOSHMËRI!
Populli i djathtë dhe ai opozitar nuk e gjen veten te kjo opozitë dhe këtu nuk e kam fjalën për atë të Lul Zhelenskit!
Opozitës i ka ngelur ora më 11 Dhjetor 2021 dhe vrapon në Treadmill pa bërë asnjë hap përpara!
Doktrina e së djathtës dhe Brain Gain janë hapa pozitivë por janë shumë pak e të pamjaftueshëm!
Ju është lënë fusha e lirë lloj lloj palaçove brenda e jashtë vendit që falen tek ambasadat e sponsorizohen nga rilindja e lobet soroiste e na shiten si opozitë e re!
PD reale vazhdon akoma të mbetet e vetmja shpresë që kanë shqiptarët e pa të vendi do zhytet edhe formalisht në diktaturë!
Nëse PD nuk reflekton dhe për mua është shumë vonë rrezikon zhdukjen e saj!
Tiranë, 5 Korrik 2023.
