Aksidenti i rëndë ka ndodhur mëngjesin e sotëm në aksin Lushnje – Fier në vendin e quajtur “Safari”, në fshatin Mbyet.
Në aksident është përfshirë një automjet tip ‘Mazda’ me targa AB 910 HX dhe tjetri tip ‘Ford’ me targa AA 246 JA.
Janë dëmtuar 8 pasagjerët, të cilët u dërguan në urgjencën e spitalit të Fierit dhe po marrin mjekimin jashtë rrezikut për jeten. Dy janë rëndë ndërsa 6 anë jashtë rrezikut për jetën.
Policia ka shkuar në vendngjarje dhe po zbardh shkaqet e këtij aksidenti.
Njoftimi i policisë:
Rreth orës 07:30, në vendin e quajtur “Safari park”, Fier, automjeti tip “Ford” me drejtues shtetasin F. B., 61 vjeç, banues në Fier, është përplasur me automjetin tip “Mazda”, me drejtues shtetasin M. Z., 62 vjeç, banues në Ballsh.
Si pasojë e përplasjes janë dëmtuar dhe ndodhen në spital, në kujdesin e mjekëve, dy pasagjere, shtetaset G. G., 25 vjeçe dhe A. B., 56 vjeçe.
Gjithashtu janë dëmtuar lehtë edhe 2 drejtuesit e mjeteve si edhe 6 pasagjerë në këto mjete, të cilët janë dërguar në spital gjithashtu për kontroll.
Grupi hetimor po punon për përcaktimin e shkaqeve të aksidentit
