Si bëhet Afrika, me kaq shumë pasuri, kontinenti më i varfër në botë, pyet Ibrahim Traore
DAKAR, Senegal
Presidenti i Burkina Fasos, Ibrahim Traore akuzoi të premten liderët afrikanë për “lypësi” në Samitin Rusi-Afrikë në Shën Petersburg, Rusi. Traore, 35 vjeç, i cili erdhi në pushtet me një grusht shteti dhe u bë udhëheqësi më i ri në botë, falënderoi presidentin rus Vladimir Putin për vendimin për të dërguar grurë falas në vendet afrikane dhe u shpreh se Afrika duhet të bëhet e vetë-mjaftueshme në ushqim deri në samitin e ardhshëm. “Brezi im nuk e kupton këtë: si mundet Afrika, e cila ka kaq shumë pasuri, të bëhet kontinenti më i varfër në botë sot? Dhe pse liderët afrikanë udhëtojnë nëpër botë për të lypur,” tha ai.
Duke iu përgjigjur Traores, presidenti senegalez Macky Sall tha: “Udhëheqësit afrikanë nuk erdhën këtu për të lypur”. “Ne po punojmë për bashkëpunim të bazuar në kushte të barabarta mes vendeve. Ne themi të njëjtën gjë në Shën Petersburg ose në Uashington”, tha ai. Duke tërhequr vëmendjen për luftën me të cilën duhet të përballet çdo brez, Sall deklaroi: “Detyra jonë është të zgjidhim problemin e terrorizmit që ka shkatërruar kontinentin tonë dhe të sigurojmë zhvillimin e kontinentit.”
