Roshi Ajdini/ Të ndjekësh vrullin e Albert Malaj, kryebashkiakut të Memaliaj

Njeriu në thelb është qënie egoiste dhe si i tillë unë do doja të isha në krye te Bashkisë Memaliaj, por deshirat nga realiteti janë dy gjëra të ndryshme.
Ajo që më mbush dhe më gëzon është fakti që idetë dhe vizioni im janë të manifestuara bukur tek Berti, madje duke tejkaluar dhe pritshmëritë pasi vë re qe ka ide dhe projekte shumë ambicioze.
Me gezon fakti që nuk ka fanatizëm partiak dhe mllefe te akumuluara por shoh që është i gatshëm që per hir te zhvillimit te zonës të ndertojë komunikim me këdo.
Per ketë ka vuajtur Memaliaj, të ketë nje kryetar i cili të jetë i varur nga bindjet e tij te brendshme dhe jo të ketë tutor mbi kokë.
Unë e pelqej vrullin se si Berti ka nisur punën por edhe qetësinë se si po reformon institucionin e Bashkise.
Berti është i gatshëm te degjojë me qetesi këdo, i gatshëm te vleresoj çdo ide dhe sugjerim që i bëhet gjë që tregon vizion dhe maturi.
Unë me shumë se Bertin dua zhvillimin e zones dhe perparimin e saj dhe tek Berti shoh personin e duhur qe gjerat të ecin.
Një njeri i vetëm sado të dijë nuk mund t’i dijë të gjitha ndaj dhe suksesi vjen kur konsultohesh dhe punon në grup.
Memaliaj ka goxha resurse të pashfrytëzuara të cilat kërkojnë promovimin e duhur, promovim që do njerëzit e duhur që dijnë t’a bëjnë, gjë që besoj se Berti do i jap prioritet.
Shpallja e Vjoses Park Kombëtar hap perspektiva të reja edhe për Bashkinë Memaliaj, ku kryetar Bertit i bie barra për të qënë ne kontakt dhe korent të çdo projekti që vjen nga jashtë institucionit të Bashkise lidhur me Vjosen Park Kombëtar për të cilën mendoj se do ketë projekte per impiantin e ujërave te zeza, landfillin e mbeteje urbane, por edhe projekte të tjera ne funksion të shpalljes Park Kombëtar të Vjoses.
Banoret e Bashkise Memaliaj janë lodhur me luften politike dhe me premtimet e pambajtura ne vite ndaj dhe votuan per individin Berti.
Është koha per Memaliajn nuk duhet të ngelet sllogan por të behet realitet nëpërmjet një zhvillimi të qëndrueshëm.
Unë besoj ndaj dhe e mbështes kryetar Bertin në vrullin e tij.