Një burrë sot, që atëherë ishte vetëm 12 vjeç u dashurua me mësuesen e tij dhe u martua me të, ka treguar vështirësitë me të cilat ka hasur në jetën dhe martesën e tij.
Në një intervistë që dha për ABC, në emisionin e Barbara Walters, 31-vjeçari Willie Fualaou flet për historinë e marrëdhënies së tij me mësuesen, se si e la shtatzënë dhe më pas u martua me të, pasi ajo kreu fillimisht dënimin
Joshja e të miturit…
Mary Kay Letourneau ishte 34 vjeçe, e martuar dhe nënë e katër fëmijëve kur shpërtheu skandali në vitin 1997, ndërsa sot ka mbushur 53 vjeç.
Për joshjen e studentit të saj, Letourneau u burgos për gjashtë muaj në fund të vitit 1997 dhe u lirua me kusht në janar të vitit të ardhshëm.
Por gjykata e ndaloi atë të kishte ndonjë kontakt me Willy në të ardhmen.
Nuk kaluan pak ditë dhe ajo u kap në makinë me Fualaun. Kështu ajo u rikthye në burg për të vuajtur dënimin me shtatë vjet për shkelje të kushteve të përcaktuara nga gjykata.
Një vit pasi u lirua sërish, në vitin 2004, ata u martuan. Willie ishte tani 21 vjeç.
“Unë nuk mendoj se dikush ka një martesë të mirë 10-vjeçare,” zbuloi Fualau në intervistën e dhënë.
Në këtë intervistë, çifti diskutoi gjithashtu se si i rritën së bashku dy vajzat e tyre.
“Në” një martesë ka kohë të mira dhe të këqija.
Por çështja është se si të arrijmë të kapërcejmë të gjitha vështirësitë”, shtoi ai. Willy tha se kishte luftuar shumë kryesisht sepse kishte një fëmijë kur ishte ende adoleshent.
Njëra nga vajzat e çiftit lindi ndërsa nëna e saj ishte e burgosur.
“Nuk mendoj se kam pasur mbështetje, se kam pasur dikë që të më ndihmojë. As nga familja ime, as nga askush në përgjithësi.
Miqtë e mi nuk mund të ndihmonin sepse nuk e kishin idenë se çfarë do të thoshte të jesh prind.
Në fund të fundit, ne ishim të gjithë në atë kohë 14-15 vjeç”, përfundoi ai.
Kjo ishte një ngjarje tronditëse për gjithë opinionin në atë kohë dhe ajo që u kryqëzua më së pari ishte mësuesja.
Por… asnjëherë nuk i dihet.
Ata krijuan familje pavarësisht diferencës së moshës, paragjykimeve dhe dënimit të mësueses.
U shkruan libra për historinë e Willy dhe mësueses së tij dhe u realizua një film për televizion.
