Drejtuar deputetes, Zonjës Mirela Kumbaro!
Po shikoja faqen e fb te deputetes së qarkut Gjirokastër, ministres se turizmit dhe mjedisit Mirela Kumbaro, per te parë mos ndoshta kishte pasqyruar aktivitetin e 80 vjetorit te masakrës se Rabies, aktivitetet i cili u bë ne 23 korrik.
Asnje fjalë dhe asnje rresht per 80 vjetorin e asaj ngjarje e cila shenjon një pikë kthese ne luften antifashiste ne zonen e Tepelenes.
Une nuk e mendoja qe ate dite ne Rabije te mos kishte asnjë deputet te pranishëm.
Kanë menduar se do u gervishtej fuoristrada nëpër ferrat dhe shkurret e rrugës, se ishte vapë e madhe apo se nuk shkojmë në nje ceremoni që e ka organizuar kundershtari politikë?
Nga kater deputet që ka qarku askush nuk piptiu ne Rabije, as deputeti stoik dhe qendrestar Tritan Shehu, ky ndoshta nga mosha e madhe, dhe si mjek di ti ruhet vapes.
Ne fakt zonja Kumbaro është ajo qe duhet te ishte ne atë ceremoni per shumë arsye.
Me sa di deputetja është caktuar politiksht që te ndjek Bashkinë Memaliaj me idenë per te rregulluar pasojat e medha nga cunami politik qe u ngjau.
Zonje e nderuar, unë bëj pjesë tek ata individ qe e kam vleresuar punen tuaj per investimet dhe promovimit qe keni bër ne qarkun e Gjirokaster perveç Memaliajt që u la ne harresë nga ju dhe qeveria juaj.
Dua te ndalem pak tek caktimi juaj si e deleguar politike ne Memaliaj!
Ok, është gjëja me normale qe nje parti ne funksionalitetin e saj te marre masa dhe fokusohet në ato zona dhe bashki ku nuk ka pasur rezultat te mirë.
Strategjia juaj per Memaliajn është nje e drejtë e juaja por une gjykoj qe po ndertoni nje qasje te gabuar ne raport me bashkinë Memaliaj.
Perqendrimi juaj me ditë te tera ne takime individuale për te mos lejuar qe dikush tjeter vec te majtes t’a merrte keshillin bashkiak ishte pak i ekzagjeruar pasi anëtaret e keshillit duhet te vendosnin me bindjen e tyre dhe jo me imponim.
Shenjat janë se ju po e ktheni keshillin bashkiak ne nje keshtjell bashkiake per te mbajtur nën kontroll ” armikun ” Albert Malaj.
Kjo gjë as partisë qe ju perfaqesoni nuk do i sherbej pasi komuniteti i Memaliajt do ndryshim, do investime, do bashkërendim te puneve.
Banoret e Bashkise Memaliaj kanë qënë me te anashkaluarit nga qeverisja 10 vjecare e partisë socialiste dhe ka gjasa te ngelet e tillë edhe ne vazhdimesi pasi nuk po shoh shenja bashkëpunimi.
Mosprania juaj ne 80 vjetorin e masakrës se Rabies është treguesi me i qartë se lufta per ti ven shkopinjë nen rrota kryetarit Albert Malaj po pervijohet ne horizontë.
Ne menyre modeste si nje individ i lire si nje person i angazhuar ne zonë po ju bëj nje apel e nderuar deputete dhe ministre, mos e pengoni zhvillimin e Memaliajt per llogari te vogla elektorale dhe politike, njihni realitetin e ri politik dhe kordinoni punet me kryetarin Albert Malaj ne menyre qe toskeria te marrë investimet dhe vemendjen qe i takon.
