MB •Një predikues mysliman në Britani është arrestuar nën dyshimin për anëtarësim në një organizatë terroriste. Një person tjetër u arrestua në Heathrow në të njëjtën ditë.
Predikuesi radikal islamik Anjem Choudary është akuzuar për tre vepra terroriste pasi u arrestua në Londër javën e kaluar, njoftoi policia të hënën.
Choudary u akuzua për anëtarësim në një organizatë të ndaluar, drejtimin e një organizate terroriste dhe mbajtjen e takimeve për të inkurajuar mbështetjen për një organizatë të ndaluar, tha policia. Ai do të dalë në gjykatë në Londër të hënën.
Choudary, ish-udhëheqësi i organizatës tashmë të ndaluar al-Muhajiroun, tërhoqi vëmendjen duke lavdëruar njerëzit pas sulmeve të 11 shtatorit në Shtetet e Bashkuara dhe duke thënë se donte ta kthente Pallatin Buckingham në një xhami.
Ndjekësit e tij kanë qenë të lidhur me komplote të shumta sulmesh në mbarë botën.
Një shtetas kanadez 28-vjeçar është akuzuar gjithashtu për anëtarësim në një organizatë të ndaluar pasi u arrestua në të njëjtën ditë me Choudary, kur ai mbërriti me një fluturim në aeroportin Heathrow, tha policia, sipas Reuters
