Legjislacioni zgjedhor shqiptar mes gjithë të këqijave të tjera që ka prodhuar, ka edhe një mangësi kriminale, të poshtër.
Në ligj nuk sanksionohet që mandati i marrë nga sigla e një partie, të ndahet të kalojë në një parti tjetër.
Ti i shkon njeriut si përfaqësues i Partisë Demokratike dhe ai të voton.
Fap ndërron interesi yt dhe ti kalon me Edi Ramën duke grabitur e trafikuar mandatin që të japin demokratët.
Kjo nuk është thjeshtë e padrejtë, kjo është e poshtër se në këtë mënyrë ti lë njerëzit pa përfaqësim pasi ata votën e dhanë si pjesë e subjektit PD.
Nuk është aspak e drejtë, morale jo e jo, etike asgjëkundi, që një deputet i dalë nga sigla e PD, të votojë Taulant Ballën si ministër.
Kjo nuk lidhet veç me Ballën si emër i përveçëm po me parimin.
Demokratët po ta donin Ballën, votonin atë jo ty si pjesë e listës së PD.
Jam gati të sfidoj këdo se nga Vermoshi deri në Konispol e nga Durrësi në Devoll, nuk ekziston asnjë demokrat që do votonte Taulant Ballën. Asnjë i vetëm.
Ndaj njerëzve ju duhet kthyer vota. Ju duhet kthyer mandati i grabitur dhe trafikuar.
Nuk mund të vendosen njerëzit para faktit të kryer duke i detyruar që pyetjes “cili është deputeti yt?” ti përgjigjen “nuk kam se ai që votova unë, shkoi me Edi Ramën”.
