Evi Kokalari, aktivistja shqiptaro-amerikane duket se do të përfshihet aktivisht në politikën shqiptare.
Me një status në “Facebook”, Kokalari njofton se më 18 qershor do të prezantojë Lëvizjen Konservatore Shqiptare.
Kujtojmë se Kokalari u përfshi fort në lëvizjen e liderit demokrat Sali Berisha në atë që ai e quajti “Foltore”, si një aksion politik brenda PD-së për të larguar Lulzim Bashën si drejtues të saj dhe për të ringjallur shpresën e demokratëve në qëllimin e rrëzimit të Edi Ramës nga qeverisja e vendit.
Fill mbas zgjedhjeve në strukturat drejtuese të PD, Kokalari pati një tërheqje nga protagonizmi dhe herë mbas here ka sulmuar Berishën dhe bashkëpunëtorët e tij.
Tashmë, ajo rikthehet në atdhe për t’i prirë një tjetër subjekti politik të djathtë.
Statusi i Kokalarit:
Shihemi në 18 Qershor, në orën 12:00 tek Hotel Rogner, Tiranë.
Prezantimi i Lëvizjes Konservatore Shqiptare – alternativa e politikbërjes në Shqipëri.
