Nga Athina shkruan Shpetim Zinxhiria
Luani është një nga 99 viktima të vrarë nga dora e policisë në Greqi, ku deri më sot asnjë vrasës i veshur me uniformë blu nuk është dënuar.
Një libër me një listë të gjatë të viktimave është në përfundim e sipër, për momentin në kujtim të tyre po prekim shkurtimisht disa nga këto ngjarje makabre e të trishtë…
Vrasja e Luan Bërdëllimës në 20 gusht të 2004 bëri shumë zhurmë në Shqipëri, ndërsa në Greqi ende nuk është gjetur fajtori.
Edhe pse kanë kaluar kaq vite nga kjo vrasje në ambiente publike, autori i krimit nuk është venë para drejtësisë.
Ngjarja:
Luan Berdellima, 36-vjeçar nga Gramshi jetonte familjarisht në Athinë me dokumente te rregullta. Ai u qëllua për vdekje nga një polic special. Sëbashku me vëllain dhe disa të tjerë ishin në një lokal duke parë Olimpiadën 2004. Në lokal futen disa police grekë duke i bërë kontroll të imët dhe janë fyer dhe nëpërkëmbur . Luani qëllohet me tytë pistolete në kokë.
Mjekët:
Sipas mjekeve te spitalit Luani ka pesuar nje traume te forte ne koke. Pjesa metalike e armes i ka demtuar kocken e kokes dhe nje pjese te mire te trurit. Per shkak te hemorragjise cerebrale emigranti nga Gramshi ka rene ne koma. Luan vdes pas 11 ditë qendrimi në koma.
Pas vdekjes Luani i është nënshtruar ekspertimit mjeko-ligjor në spitalin e Athinës. Pas kryerjes së ekspertimit trupi i tij i pajetë është nisur për në vendlindje me ndihmën e vëllait për t’u varrosur.
Familja:
Motra e tij Dhurata Sulçe prej 14 vitesh luftoi për të gjetur vrasësit e vëllait të saj në Greqi dhe betejën e saj të parë e fitoi në Gjykatën e Strasburgut. Pas fitores në Strasburg, Sulçe shpreson edhe në ndihmën e autoriteteve shqiptare për rihapjen e dosjes, duke shpresuar te Ministria e Jashtme që të bëjë diçka tani sepse atëherë nuk bëri asgjë.
Sa kushton jeta e një emigranti?
Le të qendrojmë tek fakti se, sa kushton nga policia greke jeta e një emigranti?
Shumë vdekje, shumë padi dhe asnjë drejtësi.
Vdekje në Greqi që vijnë nga “shpërthimet aksidentale”, “rrethanat e pashpjegueshme”, “shkaqet patologjike”, “vetëvrasjet e pashpjegueshme” etj.
