Ambasadorja e SHBA-së në Tiranë, Yuri Kim, ka marrë pjesë sot në konferencën për 110-vjetorin e krijimit të Gjykatës së Lartë.
Në përfundim të kësaj konference, Kim ka folur për mediat, ku midis të tjerave ka trajtuar edhe çështjen e fushatës elektorale dhe zgjedhjeve.
Ajo është shprehur se ka patur deklarime për shit-blerje votash dhe u ka bërë thirrje autoriteteve të bëjnë detyrën.
“Të gjithë që kanë të drejtë për të votuar, duhet të votojnë, kemi parë raportime për blerje dhe shitje votash dhe shpresojmë që autoritetet do të bëjnë detyrën e tyre, nëse disa po thonë se po blen vota për një parti politike, ndaj kësaj partie politike duhen ndërmarrë veprime”, tha Kim.
