“Të gjithë po transferohen për Atje…”
E bëri joshëse burgun lehtësia dendy e kabinetasve të rinj, çuna të hajthëm e goca të bukura, gojëtarë që e zinin ngoje lirinë vetjake si vlerë të shtuar. Po ngjizej ideja se në atë burg s’do shkohej aq kollaj. Jo kushdo, kurrë një shofer që parkonte gabim, një i zbritur në kryeqytet prej fshatrave të thellë, kompensim ndaj emigracionit masiv, drejtoreshë shkolle që nxori nxënësit për miting, këta thjesht do gjobiteshin. Varfanjakët të mos e ëndërronin Burgun e Ri.
,,,,,
“Asnjë muhabet me burg s’është për të qeshur, vëlla. Një ditë të bukur, kur të kesh mbërritur në fund të Bulevardit, dikush mund të të afrohet dhe të të thotë plotë mirësjellje: ‘Në emër të popullit, a mund të ngjitemi deri atje lart?! Është bukur, atje…’, duke bërë me shenjë për nga Burgu i Ri.
