Si burrë, ju e dini që deri në moshën 50 vjeç, duhet të bëni disa planifikime për vitet më tej, dhe kjo nuk ka të bëjë vetëm me paratë por sidomos me shëndetin.
Unë dua t’ju tregoj disa gjëra që mund t’ju ndihmojnë për tu ndjerë më të rinj, për të qëndruar të shëndetshëm dhe për të shtuar vite në jetën tuaj.
Me sjelljet tuaja ju mund të zvogëloni rrezikun për sëmundje serioze, kështu ju mund të keni energji më të madhe fizike, mendore dhe seksuale.
Nëqoftëse ju jini të kujdesshëm dhe të përgjegjshëm, ju mund të shijoni shumë vite jetese aktive edhe pas të 60-ve, 70-ve etj.
Në fakt, ju nuk keni pse të stërviteni si për qamet ose të mbani një dietë të jashtëzakonshme për të arritur këto qëllime.
Nëse doni të zvogëloni rrezikun e një ataku në zemër, goditjes në tru ose të rrisni qëndrueshmërinë dhe fuqinë tuaj, unë dua t’ju tregoj hapat dhe strategjitë e thjeshta që mund t’ju ndihmojnë të bëni një ndryshim të qëndrueshëm në jetën tuaj .
Mënjanoni mishin e kuq, mishin e procesuar, ëmbëlsirat, brumërat, pijet industriale etj. kështu ju ulni shanset tuaja për kancer të zorrës së trashë deri në 30 deri 50% .
Nëqoftëse ju nisni ushtrime fizike mbi 30 minuta çdo ditë, ju mund të ulni rrezikun për sklerozë, demencë, alzhaimer deri në 50% .
Ju gjithashtu do të zvogëloni rrezikun e sëmundjeve të zemrës, do të tensionin e gjakut, sheqerin në gjak pa ilaçe.
✍️7 zakonet e jetës që duhen ndryshuar:
1) Ndaloni pirjen e duhanit.
2) Ushqehuni më mirë.
3) Bëni jetë aktive.
4) Humbni peshë.
5) Menaxhoni tensionin e gjakut.
6) Kontrolloni kolesterolin tuaj
7) Ulni sheqerin në gjak .
Fillojeni me një ndryshim të vogël .
Bëni një ndryshim të vogël në dietën tuaj. Disa sugjerime:
➡️Ndërrojeni mishin me fasule,thjerra, bizele, bathë etj.
➡️Hani një fetë bukë me drithëra në vend të bukës së bardhë.
➡️Provoni një perime që nuk e keni pasur kurrë më parë. Unë ju këshilloj lakrat e tê gjitha llojeve të gatuara në mënyra të ndryshme.
➡️Bëni një ushtrime që rritin numrin të rrahjeve të zemrës për mbi 30 minuta.
Mësoni “numrat” tuaj.
➡️Përdorni peshën dhe lartësinë tuaj për të llogaritur indeksin e masës trupore.
➡️Matni tensionin e gjakut (nëpër farmaci kanë, por mund t’a blini një aparat për në shtëpi).
➡️Kontrolloni të analizat tuaja mjekësore të cilat duhet të përfshijnë kolesterolin dhe sheqerin esëll në gjak.
Disa standarte:
– Indeksi i masës trupore ndërmjet 18.5 dhe 25 (shih këtë llogaritës BMI)
– Presioni i gjakut nën 120/80 mm / Hg
– Kolesteroli total prej më pak se 200 mg / dL
– Sheqeri në gjak esëll (glukoza) nën 110 mg / dl .
