Sot këngëtari i shquar italian Adriano Çelentano mbush 85 vjeç.
Nisur nga kjo datë, deputeti Tritan Shehu, përcjellë në rrjetet sociale një mesazh me shumë respekt e mirënjohje për këngëtarin e shquar.
Ja postimi i Shehut:
Ne u rritëm me Celentanon!
Prandaj e urojmë sot atë për 85 vjetorin e lindjes.
Adriano nuk krijoi e interpretoi vetëm një muzikë të mrekullueshme, nuk bëri vetëm spektakël!
Na shoqëroi në jetën tonë, kudo.
Në festa, zbavitje, plazheve, shkollë, familje….jo rrallë në fshehtësi!
Në çaste gëzimi, por dhe në momente të vështira, duke na i lehtësuar ato!
Ai në fakt bëri epokë.
Ai u bë simbol i “bumit” të madh të Italisë e Europës për dekada të tëra, i ndryshimeve të mëdha pozitive.
Ai u bë simbol i mbrojtjes së moralit, vlerave të shoqërisë së re, që po zhvillohej mbi “gërmadhat ” e Luftës së Dytë.
I hapësirës, lirisë, iniciativës, të nesërmes.
Por ai ngel dhe një mbrojtës i pa lëkundur i traditës së domosdoshme, pa të cilën vihet në dyshim vetë shoqëria njerëzore.
I vlerave të mëdha të njeriut për thelbin e shoqërisë, familjen e vërtetë, fëmijët etj.
Për miqte e kolegët.
Ai është shumë më shumë se një artist në aktivitetin e jetën e tij.
Është pa dyshim një figurë e madhe poliedrike në krijimtari, përmbajtje, mesazhe e rol në shoqëri.
