Ardit Gjinali/ ”Presidenca Suedeze në një moment thelbësor për Europën e së nesërmes”

Suedia do të drejtojë për të tretën herë Presidencën e Bashkimit pas drejtimit në vitet 2000 dhe në 2009, gjithashtu. Konfigurimi i politikës së brendshme në Suedi dërgoi drejt lidershipit të një qeverie të Qendrës së Djathtë, e udhëhequr nga Ulf KRISTERSSON, lider i partisë “Moderaterna” pjesë e grupit politik të Partive Popullore Europiane (PPE) ….një shumicë parlamentare e brishtë në numra që varet nga mbështetja e “Demokratëve Suedezë”, të renditur të parët në zgjedhje, mbështetës në Parlament, por jo pjesëmarrës në qeveri.
Presidenca Suedeze synon në kërkimin e një dakordësie Europiane mbi luftën kundër krimit të organizuar; në inkurajimin e mëtejshëm të investimeve afatgjata në fushën e energjisë apo dhe në ndikimin mbi uljen e çmimit të së njëjtës në një periudhë afatshkurtër ; në konsolidimin e marrëdhënieve me shtetet e Mesdheut Lindor dhe Turqinë përkatësisht në shqetësimin e përbashkët mbi sigurinë apo dhe në vizionin e politikave ekonomike të qëndrueshme të Unionit duke zbehur dallimet me Shtetet e Bashkuara të Amerikës, i tilli si një garanci për vijimësinë e bashkëpunimit Euro-Atlantik -Suedia mbetet një ndër vendet që ka një investim politik thelbësor në forcimin e marrëdhënieve të shprehura më lartë.
Presidenca Suedeze shënon të fundmen e një trekëndëshi politik në kontekstin e udhëheqjes 6-mujore të Unionit bashkë me Francën dhe Çekinë….një angazhim tre-palësh që buron nga angazhimet e Traktatit të Lisbonës dhe konsiston në një bashkërendim të angazhimeve në një periudhë përkatësisht 18 mujore në drejtimin e Këshillit, të tilla angazhime të ndryshuara si shkak i zhvillimeve të reja që filluan me sulmin territorial të Moskës ndaj Kievit në fillimet e Presidencës Franceze , thellimi i konfliktit gjatë periudhës së Presidencës Çeke dhe vijimi në këtë periudhë që përkon me fillimet e Presidencës Suedeze të Bashkimit Europian.
Të tillët gjashtë muajt pasardhës priten të shenjohen si të tillët paraardhës nga zhvillimet në territorin e Ukrainës dhe pritshmëria e reagimit politik të Aleancës Politike Perëndimore si e tërë ndaj veprimit të vazhdueshëm sulmues të Kremlinit;- gjashtë muajt e Presidencës Suedeze priten të jenë vendimtarë në fuqinë politike goditëse përkatësisht në thellimin e mëtejshëm të sanksioneve, ndikimet e prekshme të të tillave paraardhëse apo dhe në rritjen thelbësore të ndihmës ndaj Ukrainës përkatësisht në fonde ekonomike, pajisje logjistike apo dhe në mbështetje përmes armatimeve që do rrisnin fuqinë mbrojtëse të Kievit ndaj sulmit vijues të Kremlinit….e fundmja mbështetje, por asfare e tillë nga rëndësia do të ishte e njëjta mbështetje politike ku spikat biseda e publikuar së fundmi mes Presidentit Ukrainas ZELENSKY dhe Presidentes së Komisionit Europian Von Der LEYEN mbi zhvillimin e një samiti të Bashkimit Europian përkatësisht në Kiev gjatë muajit Shkurt të këtij viti.
Perspektiva politike e Presidencës Suedeze të Bashkimit Europian do të shenjohet nga një veprim i vazhdueshëm pro-aktiv në mesazhe dhe veprime përfshirë dhe zhvillimin e mbledhjes së organizmit politik , nismë e Presidentit Francez MACRON , përkatësisht Komunitetit Politik Europian , që do të mbahet ( ende e papërcaktuar saktësisht periudha e mbajtjes) në Moldavi- një shtet i vogël në territor, por një aleat i rëndësishëm ku spikat solidariteti dhe mbështetja në strehim ndaj qytetarëve Ukrainas të larguar nga vendi i tyre si pasojë e konfliktit- Moldavia mbetet një aleat i rëndësishëm nën lidershipin Perëndimor të Presidentes SANDU, gjithashtu.
Zhvillimet gjeopolitike botërore të dymbëdhjetë muajve të fundit shenjuan ndryshimin e pozicionit të Neutralitetit Ushtarak Suedez, një pozicion i ndryshuar që gjeti një përkrahje të gjerë të secilës sferë shoqërore dhe politike, “PO-ja” Suedeze për anëtarësimin në Aleancën e Atlantikut të Veriut (NATO) mbetet historike pavarësisht kushteve politike që imponuan marrjen e një vendimi të tillë.
Gjashtë mujori politik i Presidencës do të shënojë në rrugëtimin e të tillit dhe përpjekjet e vazhdueshme për përfundimin e Ratifikimit të Anëtarësimit në NATO nga ana e Parlamenteve Kombëtare të Republikës së Turqisë dhe së Hungarisë, gjithashtu.
Presidenca Suedeze e Bashkimit Europian përmban synime të qarta që konsolidojnë sot vizionin mbi Europën e nesërmes, e njëjta do të vijojë në përmbylljen e angazhimeve mbi liberalizimin e vizave për Republikën e Kosovës, shqyrtimin e aplikimit të së njëjtës mbi nisjen e proçesit të anëtarësimit në Bashkimin Europian apo dhe në inkurajimin e mëtejshëm të rrugës Euro-Integruese për vendet e Ballkanit Perëndimor përfshirë dhe inkurajimin e nismave si e tilla e Proçesit të Berlinit, gjithashtu.
Kryeministri Suedez, KRISTERSSON ka shprehur synimin mbi një “Europë të lirë, të sigurtë dhe të gjelbër” ku fokusi mbi ,respektimin e të drejtave të Njeriut, zhvillimit pozitiv mjedisor, parimeve të Shtetit të së Drejtës dhe sundimit të ligjit mbeten thelbësorë në jetësimin e vizionit të një Europe të së nesërmes, e tilla e zgjeruar gjeografikisht me vullnetin e plotë të shteteve përkatëse dhe politikisht në kontekstin e vlerave më të larta të Lirisë. Ky gjashtë-mujor mbetet historik në përcaktimin e fitores politike së Europës së Lirisë përtej kufijve politikë të BE-së së sotme.