Deputetja demokrate Jorida Tabaku ka reaguar me një status në rrjetet sociale ndaj incidentit që ndodhi dje në protestën e opozitës, ku një shtetas goditi liderin demokrat Sali Berisha.
Shprehjet e dhunës fizike dhe verbale, nuk duhet të kenë vend në shoqërinë tonë! Politika duhet të largohet nga kultura e dhunës, goditjes së kundërshtarit dhe t’i hapë rrugë argumentit, debatit mbi idetë dhe bindjet, shkruan ajo.
Postimi i plotë:
Gjuha e dhunës, urrejtjes nuk duhet të ketë vend në politikë! Goditja ndaj Sali Berishës është një akt i shëmtuar dhe i papranueshëm! Ne mund të kemi mendime të ndryshme, mund të veprojmë ndryshe në politikë por dhuna është e patolerueshme.
Shprehjet e dhunës fizike dhe verbale, nuk duhet të kenë vend në shoqërinë tonë! Politika duhet të largohet nga kultura e dhunës, goditjes së kundërshtarit dhe t’i hapë rrugë argumentit, debatit mbi idetë dhe bindjet. Sa të kem mundësi e fuqi do të promovoj këtë model në politike.
