Kryetarja e Kuvendit të Shqipërisë, Lindita Nikolla ka pritur sot në takim Kryeministrin e Greqisë, Kyriakos Mitsotakis dhe Ministrin e Jashtëm, Nikos Dendias, të cilët erdhën në Tiranë për të marrë pjesë në Samitin historik BE-Ballkani Perëndimor.
Në këtë Samit, Shqipëria rikonfirmoi identitetin, vizionin dhe përkushtimin evropian dhe udhëheqësit e BE panë nga afër arritjet tashmë të identifikuara në reformat tona demokratizuese dhe integruese, shkruan Nikolla në rrjetet sociale.
Ja postimi i saj:
Një takim i ngrohtë me Kryeministrin e Greqisë, z. Kyriakos Mitsotakis, dhe Ministrin e Jashtëm, z. Nikos Dendias, të cilët erdhën në Tiranë për të marrë pjesë në Samitin historik BE-Ballkani Perëndimor.
Samiti BE-Ballkani Perëndimor është një gur kilometrik në procesin e integrimit 🇪🇺 të 🇦🇱 dhe të rajonit.
Një konfirmim se politika e zgjerimit të 🇪🇺 drejt Ballkanit Perëndimor është e pakthyeshme.
Në këtë Samit 🇦🇱 rikonfirmoi identitetin, vizionin dhe përkushtimin 🇪🇺 dhe udhëheqësit 🇪🇺 panë nga afër arritjet tashmë të identifikuara në reformat tona demokratizuese dhe integruese.
Mirënjohje 🇬🇷 për mbështetjen e fuqishme dhe të pakushtëzuar për rrugëtimin tonë 🇪🇺, për partneritetin e ngushtë në NATO, për bashkëpunimin e shkëlqyer politik, ekonomik e tregtar, për marrëdhëniet e ngushta e miqësore mes qytetarëve të të dy vendeve tona.
Minoriteti grek në 🇦🇱 dhe emigrantët shqiptarë në 🇬🇷 shërbejnë si ura miqësie. Kënaqësi të dëgjoja vlerësimin e KM Mitsotakis se emigrantët shqiptarë në 🇬🇷 janë një histori suksesi.
Bashkëpunimi politik dhe ekonomik mes 🇦🇱 e 🇬🇷 po forcohet e zgjerohet dhe bashkëpunimi parlamentar po nxit e mbështet bashkëpunimin e gjithanshëm mes dy vendeve.
🇦🇱🤝🇬🇷
