“Do të duhen vite për t’i kthyer çmimet e energjisë në nivelet e para luftës në Ukrainë”.
Kështu është shprehur për BBC shefi i një prej firmave më të mëdha të energjisë në botë. Francesco Starace i Enel tha se ulja e çmimeve varet nga burimet e reja të energjisë si burimet e rinovueshme dhe pompat e nxehtësisë.
Qeveritë në të gjithë Evropën po shpenzojnë miliarda për të ndihmuar biznesin dhe familjet të përballojnë faturat e energjisë. Ata po përpiqen gjithashtu të sigurojnë furnizime të reja.
Starace tha se kompania, e cila prodhon dhe shpërndan energji elektrike dhe gaz, u përpoq të mbronte 20 milionë klientët e saj evropianë nga paqëndrueshmëria e tregut të energjisë këtë vit.
Rritja e çmimeve të energjisë ka qenë kontribuesi më i madh i inflacionit dhe krizës së kostos së jetesës në Mbretërinë e Bashkuar, SHBA dhe eurozonë.
Kriza globale energjetike e shkaktuar nga pushtimi i Ukrainës nga Rusia “tregoi shumë qartë se si varësia nga një burim i vetëm energjie është e rrezikshme për Evropën”, tha Starace.
