Ish deputeti Lefter Maliqi është kandidat i opozitës në Primaret për bashkinë e Kuçovës.
Maliqi kandidon si emër i Partisë së Lirisë dhe PD-së.
Ai, nëpërmjet rrjeteve sociale, ju drejtohet demokratëve dhe simpatizantëve të opozitës që të votojnë emrin e tij për arsye se: “Kuçova do ketë ndryshim të shpejtë në infrastrukture, shërbim ndaj jush, mirëqënie dhe Bashkia do jetë e juaja, jo e Kryetarit”.
Postimi i plotë:
Të nderuar demokratë dhe simpatizantë të Opozitës së Bashkuar të Kuçovës, ju ftoj me zemër, pa imponim, pa ndërhyrje dhe me votë të lirë të votoni nesër, ditën e Diel, datë 04 Dhjetor, 2022, ora 08:00-18:00, tek Zyra e Degës së PD-së, pranë Bashkisë Kuçovë.
Mbështetja juaj me votë i shërben jo vetëm së ardhmes tuaj, por të gjithë Bashkisë Kuçovë të drejtuar për 32 vite nga e majta, në menyrë abuzive, korruptive dhe aspak në interes të qytetit dhe qytetareve. Votoni me zemër dhe besoni se Kuçova do ketë ndryshim të shpejtë në infrastrukture, shërbim ndaj jush, mirëqënie dhe Bashkia do jetë e juaja, jo e Kryetarit.
Koha për besim, shpresë, ndryshim🙏. Mirënjohje!
