Personalisht më gëzon çdo arritje shqiptarësh sidomos kur bahet fjalë në gara të mëdha!
Dua Lipa asht yll ndërkombëtar e më gzon, sigurisht ecja e saj asht veç meritë e saja personale!
Edhe ardhja në Shqipni prapë më gzon!
Edhe dhania e koncertit e mbushja e sheshit me fansa, teserexhinj, hallexhinj, patronazhistë e administratë prapë më gzon; fundja Dua asht kangtare e ai asht misioni i saj me knue e me pas njerëz që e ndjekin!
Por Dua duhet edhe me dashtë me pa, me ditë e me reflektue kur bahet fjalë për përdorim! Marrja prej saj e pasaportës shqiptare asht detyrë e jo reklamë!
Dua, si vajzë e shkollueme dhe e rritun jashtë, duhet me dashtë me i msue dy gjana edhe për Shqipninë e 2022-t, për shqiptarët që jetojnë mrena Shqipnie! Reflektimi i saj asht i barabartë me koncertin e saj nëse do të ndodhte dhe pse?
Pikërisht se shqiptarët po ikin nga sytë kamtë nga ky vend, pikërisht se duan që Duat e tyne mos të bien në duart e hajnave krah të cilëve Dua u pa të pozonte me pasaportën shqiptare! Pasaporta shqiptare nuk asht pronë e Edi Ramës as e Erion Velisë, por e vendit, kombit dhe Atdheut…
Djemtë e vajzat nga Shqipnia po marrin rrugët e botës me pasaportën shqiptare të fshehun nëpër skutat e shpirtit tue kalue La Manshin për të mrri në Britaninë e ndyre poltikisht e aty bashkë me pasaportën shqiptare ata gjykohen, paragjykohen, ngujohen e trajtohen si kavje, bashkë me pasaportën shqiptare; Ata e kanë gjak, Dua e ka aksesor, kurse pozuesit krah Duas e kanë mjet me përzaneë djemtë e vajzat si Dua e sa Dua…
Të pozosh krah dy vampirëve të frymës se bashkatdhetarëve të tu nuk mund të merret as si rastësi, as si pamundësi shmangjeje; asht karshillëk që iu bahet bashkëmoshatarëve të Duas duke u përdor me qëllim mesazhi kanibalesk: Ikni ju se ne na vjen Dua e na i japim pasaportë shqiptare! Fiks ashtu siç u tha për bangladeshasit që do të zëvendësojnë ikanakët që mbushën rrugët e Europës këtë vit!
Dua asht në moshën me e kuptue tashma kaq gja, me e ditë se pozimi krah një kryeministri që largon me mijëra të rinj nga Shqipnia nuk e do Duan ma shume se ata, po i duhet Dua me e përdor, që një kryetar bashkie zaptues e hajn e do Duan për aksesor e jo për vlerën që ajo vërtet ka dhe mbart!
E nëse Dua hala nuk i ka msue kto fakte, duhet dikush me ia thanë që Dua dhe Duat të mos bien viktimë e kasapëve të thertores tonë!
