Është thënë me kohë se Porti i Durrësit është një nga portet më të rëndësishëm në rajonin e Europës juglindore.
Është thënë se lufta për portin e Durrësit, për thellimin e tij është një nga luftërat më të vështira për tu fituar.
Është thënë se po të thellohet porti i Durrësit nga 11 metër, që thuhet se është sot, në 50 metër thellësi ai konkurron dhe eklipson portet e fqinjëve dhe e nxjerr Shqiperinë vend lider në rajon për ankorim, përpunim e transport mallrash.
Do të thote se e vendos Shqiperinë në hartën e porteve të rëndësishme dhe ia rrit dinjitetin e leverdinë edhe për shkak të Udhës së kombit që e lidh më shkurt Serbinë dhe vendet e tjera fqinje me të me Italinë.
Por në Portin e Durrësit që ka qenë kryefjalë dhe lakmi pushtuesish të medhej, në atë port që Serbia tri here ia ka kërkuar zyrtarisht Sulltanëve, nuk është investuar asnjëherë seriozisht dhe vetëm qeveritë shqiptare nuk ia kanë ditë vlerën, nuk ia kanë dhënë vlerën, sepse qeveritë shqiptare duket kanë patur frikë ta bëjnë më të thellin port në rajon.
Në vitin 1994 për herë të fundit është thelluar ky port dhe sot thuhet se është 11 metra i thellë, kur duhej të ishte 50 metër e më shumë i thellë.
Kur u bë Udha e Kombit, duket nuk u lejua shteti shqiptar ta thellonte portin sepse bizneset e botës nuk janë në xhepa turistësh por në porte, aeroporte, miniera, fabrika e uzina…
Por tani erdhi kjo qeveri që portin e Durrësit, i cili është 11 metër i thellë kërkon ta bëjë port plazhi, port kurvash, port varkash, port turistësh.
Asnjëherë nuk mund të jetë më i rëndësishëm e fitimprurës e me peshë nje port turistësh e superturistësh se sa një port vaporrësh miliona tonësh që transportojnë mallra.
Asnjëherë nuk mund të jetë më fitimprurës një vend, rajon a bregdet ku shullëhen turistë, në raport me një port ku ankorohen e përpunohen anije e vaporë miliona tonësh për qindra milionë njerëz të botës.
Nuk kanë qenë as janë shqiptarët të zotë e të talentuar të jenë shërbëtorë të mirë turistësh, por resurset i kanë të jenë liderë me pasuritë e tyre, me portet e tyre për rajonin.
Qeveria aktuale duket po i bën shërbim të mirë dyfish vetes së saj e klientëve të saj, por po i bën një shërbim të keq vendit me shndërrimin e portit të Durrësit në port varkash për turistë.
Gjithkush që ndjehet vendas e autokton në këtë atdhe, gjithkush që mendon se nuk ka atdhe tjetër, siç mendoj unë, do të reagonte, do të duhej të reagonte kur po na vdein portin kryesor të vendit, kur po na e kthejnë portin kryesor nga port transporti mallrash me pretendime për kryeport rajonal në port varkash për konkubina, në rajon ku do ndërtohen dyqane e hotele për të akomoduar ta zeme 50 mijë apo 100 mijë turistë.
A më leverdi kanë 100 mijë turistë në bregdetin e Durrësit apo manipulimet e vaporrëve miliona tonësh me mallra në portin e Durrësit…?
Kisha menduar se nuk ka ngordhë përfundimisht nervi patriotik i qeverisë.
