Është Besnik Alku njëri nga kandidatët për primaret e PD-së, me qëllim qenien zyrtarisht kandidat në zgjedhjet vendore 14 majit, të vitit 2023.
Alku, në një status në rrjetet sociale fton gjithë demokratë, simpatizantë dhe qytetar të Dibrës të bëhen pjesë e kësaj gare, e cila në thelb, simbas tij, ka kthimin e dinjitetit të dibranëve që është nëpërkëmbur nga qeverisja e majtë.
Postimi i plotë i Besnik Alkut:
Liri dhe dinjitet!
Të dashur demokratë të Dibrës, që nga Korabi dhe Lura e deri në Maqellarë.
Pranova kandidimin tim në garën e Primarëve në respekt të gjithë atyre demokratëve që më vlerësuan me propozimet e tyre, dhe në mirënjohje të mbështetjes së tyre.
I vetëdijshëm për sfidën e madhe të përballjes me një regjim të kriminalizuar, të korruptuar, inatçor, dinak dhe i pa shpirt, por i mbushur plot me besim dhe siguri që bashkë me gjithë demokratët guximtarë, të ndershëm, dhe misionarë të demokracisë do arrijmë të përballojmë me sukses këtë sfidë, duke i kthyer Dibrës lirinë dhe dinjitetin e nëpërkëmbur gjatë këtyre 10 viteve të këtij sundimi hajdut dhe kriminal.
“Liri dhe dinjitet” është motoja e garës sime, si në Primaret me miqtë e mi konkurente, dhe të gjithë bashkë nesër si një ekip me gjithë anëtarët e PD dhe simpatizantët demokratë, për të fituar mbi të keqen e diktaturës së sektit Rilindje dhe Edi Rama, që Dibrën e kanë përdorur si eksperiment të djallëzisë së tyre, e kanë lënë në haresë dhe fukarallëk, dhe sot me ligësi duan t’a zhdukin me projektin e Skavicës.
Drejtësia, respekti dhe ndershmëria do më udhëheqin në garën e Prinarëve, për të respektuar çdo votë dhe rezultat që do të dalin nga ky proces.
Mbarësi dhe sukses demokratëve në këtë fushatë zgjedhjesh. Zoti na ndriçoftë në garën tonë të jemi në nivelin e duhur të demokracisë. Zoti i bekoftë gjithë demokratët e Dibrës. Respekt dhe mirënjohje!!!
