Një 24-vjeçare shqiptare nga Kosova është përplasur për vdekje nga një automjet në Itali.
Siç raportojnë mediet në Itali, Blerina Kryeziu ndërroi jetë mbrëmjen e djeshme në spitalin e kujdesit intensiv në Ca’ Foncello.
E reja nga Kosova që punonte si kamariere në një restorant në Itali u godit të premten nga një automjet, por, pas tri ditësh qëndrimi në spital,ajo ndërroi jetë, pasi nuk ia doli të mbijetonte.
Blerina Kryeziu, 24-vjeçare nga Kosova, punonte si kamariere në restorantin e njohur “da Silvano”, prej më shumë se tre vitesh. E reja ishte martuar para pakdisa muajsh.
Si ndodhi aksidenti
K.B., 24-vjeçarja me origjinë kosovare e cili mbeti e plagosur në një aksident rrugor të ndodhur mbrëmjen e së premtes, më 18 nëntor, pas orës 19, në Olmi di San Biagio di Callalta, në via San Martino. , në një rrugë me ndriçim të dobët jo shumë larg qendrës tregtare Tiziano. E reja, banuese në Treviso, po ecte përgjatë rrugës për të arritur në vendin e punës kur u godit nga një Nissan Juke që vinte nga pas: 24-vjeçarja u hodh rreth dhjetë metra nga përplasja. Kur mjeku dhe infermieret e Suem 118 ndërhynë në vend, zemra e saj ende regëtinte, por transporti në spital nuk ndryshoi gjë, shkruan trevisotoday.it
