Prej gati 20 orësh i gjithë vendi është pushtuar nga moti i keq, me reshje të dendura shiu, plrmbytje, bllokim rrugësh dhe viktima.
Në këtë situatë Tirana është një nga qarqet me më pak dëme, kështu u shpreh kryebashkiaku i Tiranës, Erion Veliaj gjatë një aktiviteti të zhvilluar në Ambasadën e Katarit për ceremoninë hapëse të Kampionatit Botëror të Futbollit.
Ai deklaroi se falë gatishmërisë së grupeve të punës në terren, reshjet nuk kanë shkaktuar probleme të mëdha dhe shtoi se Bashkia e Tiranës do t’i vijë në ndihmë qarqeve më të prekura, si Shkodra e Lezha.
“Fatmirësisht, Tirana është një nga qarqet më pak të prekura dhe dua të falënderoj kolegët që kanë punuar me kanalizimet, me sistemet e kullimit, dhe sot jemi në gjendje të mirë. Jam i sigurt se duke filluar nga nesër, bashkë me miqtë e Katarit, do i gjendemi qarqeve si Shkodra apo Lezha, për t’u siguruar që të plotësojmë nevojat me ndihmën e Bashkisë së Tiranës, Ambasadës së Katarit dhe miqve të tjerë,” u shpreh Veliaj.
