Është zbardhur vrasja e Briken Sanajt te Kodra e Diellit. Bëhet me dije se është bërë i mundur identifikimi i personit që ka vrarë Sanajn pranë banesës ku jetonte tek Kodra e Diellit në Tiranë.
Autori i dyshuar është shpallur në kërkim policor ndërsa, ka dyshime të forta se ai është arratisur drejt Belgjikës.
Identiteti i tij nuk bëhet me dije për arsye hetimore.
Kujtojmë se Briken Sanaj u ekzekutua mbrëmjen e 30 tetorit të këtij viti në zonën e njohur si ‘Kodra e Diellit’ në Tiranë.
Ai njihej edhe me emrin Anton Gjini.
39-vjeçari parkoi mjetin e tij, pasi u kthye në banesë bashkë me gruan. Pasi mbylli derën, shkoi deri tek zona e Globe, për të takuar dy miq të tij. Në këto momente, i afrohet një mjet tjetër, e nga dritarja e kësaj të fundit është nxjerrë një kallashkinov dhe është shtënë ndaj 39-vjeçarit, i cili plumbat i ka marrë në fytyrë.
