Kryeministri Edi Rama duke iu rikthyer sërish sot akuzave të opozitës për Portin e Durrësit, ju është drejtuar qytetarëve të Durrësit, duke thënë: Duhet t’iu shërbejë të gjithë durrsakëve për të parë fytyrën e armiqve të së ardhmes së Durrësit.
Në një status në “Twitter”, kreu i qeverisë i cilëson akuzat si armiqësi kundër investimit më të madh në rajon, i cili sipas tij, do ta transformojë Durrësin në një ndër destinacionet kryesore turistike të Mesdheut.
“Armiqësia kundër investimit më të madh në rajon, i cili do ta transformojë Durrësin në një ndër destinacionet kryesore turistike të Mesdheut, duhet t’iu shërbejë të gjithë durrsakëve për të parë fytyrën e armiqve të së ardhmes së Durrësit; o me Durrësin në majë o me ata në plehra”-shkruan Rama.
