Gjykata e Apelit në Tiranë ka lënë në fuqi dënimin me 50 vite burg për babë e bir Faik dhe Shkëlzen Buci.
Ata akuzohen për vrasjen e 23-vjeçares Eglantina Buci, e cila ishte vajza e Faikut dhe motra e Shkëlzenit.
Lajmi u njoftua nga gazetarja Klodiana Lala.
Kujtojmë se ngjarja e rëndë u regjistrua në vitin 2012 në Malin me Gropa dhe u zbardh vetëm pas rrëfimit të një dëshmitari, i cili u bë bashkëpunëtor i drejtësisë në vitin 2020.
Hetimi tregoi se Eglantina në atë kohë 23 vjeç u mor në makinë nga i vëllai Shkëlzeni, siç thotë Prokuroria, me kërkesë të babait Faik Buci dhe u ekzekutua me armë zjarri në Malin me Gropa, ku edhe iu fsheh trupi.
Prokuroria doli në konkluzionin se shkak për vrasjen ishte bërë mospranimi nga e reja të për t’u fejuar me djalin e zgjedhur nga i ati dhe largimi nga banesa.
Sipas opinioneve të të afërmve dhe miqve, ata ndërmorën vendimin fatal sepse “u ishte cënuar nderi”.
Dy të pandehurit kanë mohuar vazhdimisht akuzat.
