Protesta!
Ishte paqësore, por nuk ka paqe më, për pozitën pushtet mbajtëse.
Dje mbasdite vonë, mijëra protestues paqësorë, treguan që ky pushtet i ka ngulur thikën në kockë.
Mes këtyre protestuesve, kishte edhe emigrantë!
Emigrantë të shkuar enkas për protestën, emigrantë të gjendur përkohshëm në Shqipëri, si edhe emigrantë të kthyer nga vendet ku ju është mohuar e drejta e qëndrimit.
…
Të hyjmë në temën që na intereson.
Emigrantët në Greqi, janë tani në qendër të vëmendjes së pushtetit!
Janë, pasi kanë lidhje direkt me Shqipërinë, si një vend kufitar me distanca të arritshme kollaj ditën e votimeve, ashtu edhe lidhjen e vazhdueshme të tyre me vendlindjen.
Ndaj miq të mi emigrantë duhet të zgjohemi!
Të zgjohemi për të mirën tonë, e jo të partisë.
Në emigracion sot, jemi më të diskreminuarit në të dy kahet.
Flas gjithnjë për ne të Greqisë.
Nuk flas për disa kokrra sa të dy duarve bashkë, as për patronazhistët vullnetarë, e jo.
Flas për emigrantët e thjeshtë, që me djersën e ballit mbajnë familjet e tyre, si dhe ndihmojnë në një pjesë të konsiderueshme ekonomitë e dy kaheve.
Ne duhet të marrim të drejtat që na takojnë si:
të drejtën e shprehjes së vullnetit në vendin ku jetojmë, e njëkohësisht të kemi përfaqësuesit tanë në marrjen e vendimeve.
Boll më, si mbushës kutish me vota.
….Eduart Tafaj, Aktivist në emigracion. Kryetar i shoqatës shqiptare në Volos Greqi
