Në pak kohë një tjetër shqiptar i vrarë në Greqi.
Rubrikat e sukseseve, shqetësimet, dhimbjet, por edhe mortet e tyre, si rrallë kush i ka përcjellë për opinionin publik dhe mediat shqiptare, i talentuari Shpetim Zinxhiria.
Edhe për rastin e 51-vjeçarit Mera, që u gjet sot i vrarë, gazetari ka reaguar me shkrimin e mëposhtëm:
Hesht policia greke, hesht Ministri i Drejtësisë Ulsi Manja.
Asnjë njoftim nga policia greke për vrasjen e shqiptarit, asnjë pronocim nga Ministri i Drejtësisë shqiptare ULSI MANJA, i cili ndodhet në Greqi.
Pyetja shtrohet a mjaftojnë vrasja e 245 shqiptarve për të thyer heshtjen e indiferentizmit të qeverisë shqiptare ?
Realisht sot pati një heshtje nga policia greke dhe një heshtje edhe nga vetë ministri shqiptar, i cili ndodhet për një vizitë në Greqi.
Por…
Policia greke edhe këtë radhë nuk e ka parë të arsyeshme që të publikojë në faqen e saj zyrtare këtë vrasje por ka heshtur duke mos e regjistruar fare…
51 vjeçari Ylli Mera nga Dibra, babai i tre fëmijëve është raportuar i zhdukur dje në Selanik nga mediat vendase, ndërsa sot u gjend i vrarë dhe i mbuluar me gjethe në një vend të braktisur. Në pranga janë babë e bir të cilët akuzohen për këtë vrasje.
Ky ishte fati i 51-vjeçarit Ylli Mera që u vra gjatë punës nga pronari grek në bashkëpunim me djalin e tij. Ai vinte dhe punonte me vizë ne Greqi dhe kryesisht punonte në sektorin e bujqësisë.
Tragjedia përsëritet me te njetën mënyrë si vrasja e biznesmenit 46-vjeçar Xhani Topalli në shtator 2022 në Rodos.
Një tragjedi që ka lënduar 245 familjeve të cilët kanë humbur njerëzit e tyre me të tilla vrasje.
Një heshtje për vdekjen e 66 të burgosurve shqiptarë në burgjet e Greqisë.
Një heshtje për zhdukjen e 146 shqiptarve në Greqi.
Një dhimbje që mesa duket nuk paska fund për emigracionin shqiptar që e ka paguar këtë më shumë se çdo komb tjetër në Greqi.
Le të jetë viktima e fundit, duke shpresuar për një drejtësi jo me dy standarte, ku vrasesit nuk ndëshkohen.
Mjaft më!
Qoftë dheu i lehtë…!
Zoti të verë dorë, sa për SHTET…
