Ministri i Jashtëm i Iranit Hossein Amirabdollahian tani pranon për herë të parë se vendi ka dërguar drone në Rusi, raporton AP.
“Ne i dhamë Rusisë një numër të kufizuar dronësh muaj para luftës në Ukrainë”, thotë Amirabdollahian.
Irani ka mohuar më parë se ka armatosur Rusinë në luftën kundër Ukrainës. Javën e kaluar, ambasadori i Iranit në OKB Amir Saeid Iravani tha se akuzat janë “plotësisht të pabaza” dhe përsëriti qëndrimin e Iranit për neutralitet në luftë.
Shtetet e Bashkuara dhe vendet aleate perëndimore në Këshillin e Sigurimit të OKB-së kanë kërkuar më parë një hetim nëse Rusia ka përdorur dronët iranianë për të sulmuar civilët në Ukrainë
