Bordi i transparencës është mbledhur përsëri sot duke ulur çmimin e naftës, por duke rritur atë të benzinës.
Sipas vendimit të fundit të Bordit, një litër naftë do të tregtohet me 232 lekë, nga 236 lekë që ishte një ditë më parë.
Pas orës 18.00 të ditës së sotme benzina do të shitet me 212 lekë për litër, nga 208 që ishte vendimi i djeshëm.
Në tregjet ndërkombëtare, nafta tregtohet me rreth 94 dollarë për fuçi, pothuajse aq sa shitej para sulmit të Rusisë ndaj Ukrainës.
Pavarësisht këtij fakti, në vendin tonë çmimet kanë patur tendencë rritje jashtë logjikës së tregut, dhe tej efekteve të krizës.
