Stafet e universiteteve publike po vazhdojnë grevat e përditshme duke bojkotuar edhe mësimdhënien.
Ata kërkojnë plotësimin e kërkesave nga qeveria.
Në mbështetje të tyre është shprehur edhe zv kryetari i Partisë së Lirisë Agim Nesho.
Ja postimi i plotë:
Kur gjakpirësit e pushtetit nuk ngopen me sakrificat ekstreme të pedagogëve.
Nesër, pedagogët që po protestojnë për të drejtat dhe dinjitetin e tyre, për institucione të vërteta të dijes dhe shkencës për të ngritur ndërgjegjën e kombit dhe mbajtur studentët në vendin e tyre, kanë deklaruar se do të hyjnë në grevë urie.
Kur greva e urisë shikohet si mjet për të zgjidhur problemet me një qeveri arrogante dhe të korruptuar dhe kur këtë e ndërmerr ajka e inteligjenës së vendit, kuptohet se regjimi ka shkuar shumë larg dhe nuk ka moral më për të drejtuar vendin. Arroganca vjen nga korrupsioni i madh dhe frika nga transparenca, indiferenca nga siguria që i sjell shteti i kapur, mosdhënia e zgjidhjes nga paaftësia dhe mungesa e vizionit për rolin formues të Universitetit dhe përgatitjen e brezit të ri.
Kur prioritetet e qeverisjes së vendit si shkenca dhe dija ngatërrohen me prioritetet e kanabisit, PPP-të klienteliste apo zbukurimet e panevojshme, kjo qeveri meriton të largohet sa më shpejt nga qeverisja e vendit.
Partia e Lirisë, duke e parë me shqetësimin më të madh situatën, i bën thirrje Qeverisë të reflektojë dhe plotësojë menjëherë kërkesat e pedagogëve. Zgjidhja financiare është e mundshme por mungon vullneti politik për të ndryshuar Shqipërinë. Mjafton skandali i shpenzimeve të luksit me charter të kryeministrit Rama që kap vlerën e 22 milion eurove, që dëshmon se financat janë por nëse përdoren drejt mund të zgjidhnin edhe kërkesat e nevojshme dhe modeste të pedagogëve.
Por problemi me këtë klikë qeverisëse është mos përkrahja dhe përbuzja e cdo intelektuali, institucioni dhe inisiative akademike, që do ti jepte vendit perspektivë perëndimore dhe të ardhme të sigurtë!
