Lajmin e bën me dije vetë Mahmutaj me një status në rrjetet sociale.
Ai ju drejtohet demokratëve të Fierit; “Gjendja në qytetin e Fierit kërkon veprim, të guximshëm dhe të shpejtë – dhe ne duhet të veprojmë!”
Artur Mahmutaj është inxhinier gjeodet dhe jurist në profesion dhe me një të kaluar të lidhur fort në radhët e demokratëve të qytetit myzeqar.
Ja postimi i plotë i tij:
Të nderuar anëtar dhe simpatizantë të Partisë Demokratike Fier,
Gjendja në qytetin e Fierit kërkon veprim, të guximshëm dhe të shpejtë – dhe ne duhet të veprojmë! Për këtë arsye, si anëtar i PD-së prej 30 vitesh, marr përgjegjësinë të kandidojë për zgjedhjet primare për Kryetar të Bashkisë Fier.
Partia Demokratike është shpresa më e mirë për të ridrejtuar qytetin tonë me një vizion më njerëzor, të drejtë dhe paqësor.
Qëndroj i përulur për detyrën që kemi përpara, mirënjohës për besimin e dhuruar, i ndërgjegjshëm për sakrificat që na presin.
Kemi zgjedhur shpresën mbi frikën, unitetin e qëllimin mbi konfliktin dhe mosmarrëveshjen.
Së bashku do ia dalim! ✌🏻🙏🏻
