Mbas ardhjes së dy anijeve të klasit FM-1 (ish-dragamina) “SHQIPËRIA” dhe “SKËNDERBEG” më fund të 1925, katër motovedetave të klasit ELCO (ish-katra silurues) “TIRANA”, “SARANDA”, “DURRËSI” dhe “VLORA” në vitin 1926 dhe krijimit të Komandës së Marinës Ushtarake Kombëtare më 26 qershor 1926, Mbretëria Shqiptare synonte rritjen e kapaciteteve nëpërmjet blerjes së një kryqëzori. Në këtë perudhë Komandant i Marinës Ushtarake Mbretërore ishte kapiten i rangut të tretë Giuseppe Prelli.
Më 19 nëntor 1929 gazeta hollandeze “Het Vaderland” shkruante se Mbretëria Shqiptare kishte porositur tek Ansaldo Yard i Genovës (Itali) ndërtimin e një kryqëzori të lehtë 6000 tonësh, për stervitje, tregimin e flamurit dhe detyra mbrojtëse. Në këtë kohë personeli i Marinës Ushtarake Mbretërore ishte rreth 100 vetë, por ishte parashikuar të rritjen numri përderisa ekujpazhi i kryqëzorit ishte më shumë se 300 personel. Kryqëzori ishte parashikuar të bazohej në Vlorë. Lajmi për porositjen e një kryqëzori në Itali nga Mbretëria Shqiptare në atë periudhë e kanë raportuar edhe Gazeta britanike “the Observer” si dhe Gazeta “Vullneti” Nr. 14 e dats 1 janar 1930. Nuk ka më shumë të dhëna nëse vërtet u bë porosia dhe blerrja e kryqëzorit duket më shumë si një ëndërr.
Në periudhën midis dy luftrave Ansaldo Yard i Genovës ka qënë një nga kantieret më aktive në Itali. Ai është themeluar n ë vitin 1853 dhe ka pushuar aktivitetin në vitin 1993 duke u thithur nga Fincantieri. I vetmi klas kryqëzori i prodhuar nga Ansaldo, i cili përputhet me të dhënat e “Het Vaderland”, është Kryqëzori i Lehtë i Klasit “Alberto da Giussano”
👉KRYQËZORI I KLASIT “ALBERTO DA GIUSSANO”.
Në periudhën midis dy luftrave dhe pikërisht në fund të viteve 20-të kantieri detar Ansaldo Yard i Genovës projektoj të vetmin kryqëzorë të lehtë me tonazh rreth 6000 tonë, atë të Klasit Alberto da Giussano. Marina Mbretërore Italiane në vitet 1931 futi në armatim katër kryqëzor të kësaj klase; “Alberto da Giussano“, “Alberico da Barbian“, “Bartolomeo Colleoni“ dhe “Giovanni delle Bande Nere“.
💥Kantieri: Ansaldo – Genova
💥Tonazhi: 6.570 t (standard); 6.954 t (plotë)
💥Përmasat: gjatësia 169,3 m, gjerësia 15,5 m, peshkimi 5,3 m;
💥Motorat: 6 kaldaja, 2 turbina, 95.000 kf
💥Numri i helikave: 2
💥Shpejtësia: 37 nyje
💥Autonomia: 3.800 milje (18 nyje);
💥Ekujpazhi: 507, nga të cilët 19 oficera
💥Armatimi: Top 8 × 152/53 mm; Top 6 × 100/47 mm; Top 8 × 37/54 mm; mitroloz 8 × 13,2/75,7 mm, silura 4 tuba lëshimi 533 mm
👉SHËNIM:
💥1) Shumë informacione janë siguruar në vitin 2011 nga hulumtimet e kapitenit të rangut të dytë Hartmut Ehlers (Forcat Detare Gjermane – Ret);
💥2) Publikimi botuar për herë të parë më 12 dhjetor 2014 në Revistën “Ushtria”.
