Gjirokastrën e ngritën, e bënë pjesë të historisë për ta mbajtur aty, njerëzit e saj!
Pikërisht njerëzve të saj, atyre njerëzve të ditur, plot pasion e dashuri, të pa lëkundur në parimet e vlerat e tyre, i dedikohet dhe libri-monografi i Vasil Mukës.
Këta janë “heronjtë ” e vërtetë të atij qyteti mijëra vjeçar.
Nuk janë heronj “të mëdhenj” në pamje, nuk janë nga ata që vijnë një herë në shekuj.
Por në të vërtetë janë heronj, të mëdhenj në esencë e shërbim ndaj komunitetit.
Sepse këta sollën zhvillimin, kulturën, progresin, duke i mbrojtur me çdo çmim këto.
Në fakt këta bëjnë historinë.
Ishte kënaqësi e veçantë për mua të merja pjesë Pikërisht në Gjirokastër, në promovimin aty të atij libri: “Mukajt dhe Papavangjelajt”.
Të thoshja edhe dy fjalë për atë, përpara atyre banorëve të nderuar.
Një libër ky i pasur në përmbajtje e mesazhe, por lehtësisht i kapshëm, Pikërisht sepse i dedikohet të gjithë atyre heronjve “të thjeshtë ” të atij qyteti, nëpërmjet emrave të dy familjeve të nderuara.
Dhe kjo me një gjuhë të bukur gjirokastrite, gjuhë e cila më kujtoi shumë nga shprehjet e degjuara që në fëmijëri nga të dy prindërit e mi.
Urimet më të mira Vasil Mukës !
Urimet më të mira Gjirokastrës për keto « rreshta » të dedikuara asaj, që veçse të japin kënaqësi dhe mendime!
